ساغلیقنی سقلش وزیرلیگی دوشنبه کونی کابلده «انقراض و فوقالعاده وضعیتلرده روحی سلامتلیک خذمتلریگه کیریش – عمومی استوارلیک» شعاری آستیده خبردارلیک دستورینی اوتکزدی.
ساغلیقنی سقلش وزیرلیگینینگ ساغلیق خذمت کورسهتیش بوییچه معینی عبدالولی حقانی، اوشبو مناسبت بیلن اوتکزیلگن دستورده ایتیشیچه، اوتگن میلادی ییلده مملکتده ۲.۵ میلیون کیشی گه ساغلیق خذمتلری کورسهتیلگن.
او شوندهی دیېدی: «میلادی ۲۰۲۴-ییل دوامیده ساغلیق مرکزلری آرقهلی مملکت بویلب ۲.۵ میلیون کیشی گه روحی سلامتلیک خذمتلری کورسهتیلدی. بو – افغانستان ساغلیقنی سقلش ساحهسینینگ ییریک یوتوغی دیر. چونکه بو وزیرلیک فقط جسمانی معمالر گه اېمس بلکه، انساننینگ آنگ و روحی حالتیگه هم علیحده اعتبار قرهتماقده.»
ساغلیقنی سقلش وزیرلیگینینگ روحی سلامتلیک دیپارتمنتی آمری وحیدالله افغان بوتوغریده ایتیشیچه، مملکتنینگ تورلی حدودلریده ۸ روحی کسللرنی دوالش تخصصی کسلخانه فعالیت یوریتماقده.
اونگه کوره: «اوشبو ساغلیق مرکزلریده ایکی مینگ شفاکار، ۲۱۱ قابله، ۷۴۲ نرس و ۳۵۰ ملَکهلی خادم فعالیت یوریتهدی و اولر اساسی طرزده تیارلنگن شو آرقهلی مملکتدهگی اهالی گه روحی سلامتلیک خذمتلری کورستیلهدی.»
ساغلیقنی سقلش وزیرلیگی مسئوللری، طبیعی آفتلر و قوشنی مملکتلردن افغانستانلیک مهاجرلرنینگ مجبوراً چیقریلیشی- اهالی آرهسیده روحی باسیمنینگ آرتیشیگه سبب بولهیاتگن اېنگ مهم عامللردن بولگنینی ایتهدیلر.
ساغلیقنی سقلش وزیرلیگی مسئوللرینینگ معلوم قیلیشیچه، کوپلب یشاوچیلر روحی مصلحت یا که دوالنیشگه محتاج بولیشیگه قرهمی، ناتوغری اعتقادلر و بونی اویت دیب بیلیش سببلی روحی سلامتلیک مرکزلری گه مراجعت قیلمهیدیلر.
ساغلیقنی سقلش وزیرلیگینینگ باشلنغیچ خذمتلر بولیمی باشلیغی ذبیحالله حارث، روحی کسللیگی بولگنلر دوالنیشی ممکن دیب اولر شفاکار گه مراجعت قیلیشلرینی تأکیدلهگن.
جهان ساغلیقنی سقلش تشکیلاتینینگ افغانستاندهگی وکیلی اوشبو دستورده اشتراک اېتیب، کېینگی تورت آی ایچیده بوتون مملکت بویلب اهالیگه روحی کسللیکلرنینگ آلدینی آلیش مقصدیده ۴۵ مینگ خبردارلیک ورقلری ترقهتیلیشی ریجهلشتیریلگنینی معلوم قیلدی.
او شوندهی دیېدی: «تورت جماعه، کېلهسی تورت آی ایچیده افغانستان یشاوچیلری اورتهسیده خبردارلیکنی آشیریش مقصدیده، ۴۵ مینگ ورقنی ترقهتیش گه تیار بولگنلر.»
بوندن آلدین، بیرلشگن ملتلر تشکیلاتی اۉز حساباتیده، افغانستانده هر بیش کیشیدن بیری روحی کسللیکه چلینگنینی ایتگن اېدی.
