اسلام امیرلیگی باش وزیرینینگ اقتصادی اورینباسری عبدالغنی برادر، شمالی ولایتلرگه قیلگن سفری دایرهسیده، سرپل ولایتی بلخاب تومنی تاش کومیر کانینینگ مسلکی قازیب چیقریش ایشینی رسمی طرزده آچدی.
اسلام امیرلیگی باش وزیرینینگ اقتصادی اورینباسری، اوتگن کون (۱۱-سنبله، سهشنبه)، مذکور لایحهنینگ آچیلیش مراسمیده ایتیشیچه، افغانستان طبیعی منبعلر نقطهی نظریدن بای مملکتلردن بولیب و بو منبعلر استراتیژیک ارزشگه ایگه دیر.
اونینگ اورغولشیچه، اوشبو کانلرنینگ مسلکی قازیب چیقریلیشی، آستقورمه لایحهلرنینگ مالیهلشتیریشی، صناعت رواجلنیشی و ملی درآمد کوپهیشیده اونملی رول اوینهشی ممکن.
عبدالغنی برادرنینگ کوپهیتیریشیچه، یالغیز خام مادهلر صادر بولیشیگه چیکلنمهی، بلکیم مملکت ایچیده ایشلب چیقریش فابریکهلرنینگ آچیلیشی بیلن، کوپینچه ایش فرصتلری یرهتیلیب و ایچکی صناعت رواجلنیشی کیرهک.
حاضر بلخاب تاشکومیر کانیده مستقیم شکلده ایکی مینگدن آرتیق کیشی ایش بیلن شغللنگن و ییلده قریب ۵۰۰ مینگ تُن تاشکومیر اوشبو کاندن قازیب چیقریلهدی.
محلی رسمیلرنینگ ایتیشلریچه، مذکور کاندن قازیب چقریلگن تاشکومیر، انرژی ایشلب چیقریلیشی و ایچکی صناعت رواجلنیشی توغریسیده فایدهلنیشی یانیده، ایش فرصتلری کوپهیشی و ملی اقتصاد رواجلنیشیگه هم یاردم بیره آلهدی.
