بریتانیا پولیسینینگ اعلام قیلیشیچه، لندن ده فلسطینلیکلرنی قوللب-قوتلش نمایشی جریانیده «فلسطین حرکتی» گروهینی حمایت قیلیش سبب، قریب ۵۰۰ کیشی قولگه آلینگن.
خلقارا ییتکرمهلرنینگ بوگون (۱۳-میزان، یکشنبه)، گزارش بیریشیچه، مذکور کیشیلر بریتانیا پایتختیده فلسطینلیکلرنی قوللب-قوتلش نمایشی جریانیده قولگه آلینگنلر.
بیزلرنینگ فیسبوک صحیفهمیزگه باش اورینگ!
اوشبو نمایش لندن دهگی سیاستچیلر و پولیس رسمیلرینینگ مخالفتی بولگنی بیرحالده، اوتکزیلگن.
بریتانیا ایچکی ایشلر وزیرلیگینینگ ایتیشیچه، کوپینچه کیشی «فلسطین حرکتی» گروهینی قوللب-قوتلش مقصد، قولگه آلینگن؛ بو گروه بریتانیا دولتی تامانیدن ناقانونی بیر تشکیلات صفتیده تانیلهدی.
لندن پولیسی، بیر بیانیه آرقهلی اعلام قیلیشیچه: «بوگون لندن مرکزیده ترتیبنی تامینلش عملیاتیده ۴۹۲ کیشی قولگه آلینگن.»
پولیسگه کوره، قولگه آلینگنلردن ۴۸۸ تهسی «فلسطین حرکتی» گروهیدن حمایت قیلیش و باشقه نیچه تهسی عمومی نظمنی بوزیش، فیزیکی هجوملر و باشقه عیبلر بیلن قولگه آلینگنلر.
قولگه آلینگنلرنینگ ۱۸ دن ۸۹ یاش آرهسیده بولگنی گزارش بیریلگن.
بیزلرنینگ «ایکس» ترماغی ده هم تعقیب قیلینگ!
جولای آییده، فلسطین حرکتی گروهی اعضالریدن قطارینینگ سلطنتی هوا قرارگاهیدن بیریگه کیریب و حربی اوچاقلرگه زیان ییتیشتیریشدن کیین، بریتانیا دولتی اونینگ فعالیتینی تقیقلهگن.
بریتانیا قانونلری اساسیده، تقیقلنگن گروهلر جملهدن «فلسطین حرکتی» نی قوللب-قوتلش یا-ده اولرگه اعضا بولیش، ۱۴ ییلگچه حبسگه بولیش جزاسیگه سبب بولیشی ممکن.
