اسلام امیرلیگی کانلر و پترولیم وزیرلیگینینگ اعلام قیلیشیچه، نورستان ولایتی دوآب تومنیده جایلشگن «ماوی» کانینینگ قیمتبها و یریم قیمتبها سکیز مینگ ۵۵۴ کیلوگرام تاشی، ۵۲ میلیوندن آرتیق افغانی ارزشیگه ساتیلگن.
مذکور وزیرلیک بوگون (۲۶-ثور، شنبه)، بیر بیانیه آرقهلی ساتیلگن تاشلرنینگ بیروج، کنزیت، بلور، توپاز و مارگانیتدن عبارت بولگنینی ایتگن.
کانلر و پترولیم وزیرلیگیگه کوره، مذکور تاشلر محلی رسمیلر، تیگیشلی کمیته اعضالری همده سوداگرلر و سرمایه یاتقیزووچلردن قطارینینگ حضوری بیلن بیر داوطلبلیکده، ۵۲ میلیون ۶۲۰ مینگ افغانیگه ساتیلگن.
بیانیهده کیلیشیچه، اوشبو تاشلرنینگ ساتیلگنیدن اسلام امیرلیگی سهمی بیش میلیون ۲۶۲ مینگ افغانی بولگن.
افغانستان شرقیده جایلشگن نورستان، طبیعی منبعلردن بای ولایتلردن حسابلهنیب و اونینگ قیمتبها تاشلری قازیب چیقریلیشی و ساتیلیشی، بو ولایت محلی اقتصادی و یشاوچیلری اوچون مهم درآمد منبعلریدن بیری حسابلنهدی.
