پایتخت یشاوچیلریدن قطاری، شهر ایچیده‌گی دکان‌لر و سوپرمارکیت‌لرده تاریخی اوتگن ییگولیک ماده‌لر موجود‌لیگی‌دن شکایت قیله‌دیلر.
کابل شهری تایمنی منطقه یشاوچیسی بولمیش قیوم نینگ ایتیشیچه، نیچه مدت آلدین اوغلی تاریخی اوتگن بیر جوس نینگ ایچگنی سبب، کسل بولگن.
اونینگ کوپه‌یتیریشیچه: «جوس نی دکان‌دن آلدیم، بیراق تاریخی اوتگنی نی کورگنیم یوق ایکن، اوغیل مذکور جوس نی قوللنگنی‌دن کیین، ایچ کیتمه بولدی و قریب ۵ مینگ افغانی مصرف قیلدیم و اوچ کیچه کسل‌خانه‌ده بستری ایدی.»
بیزلرنینگ فیسبوک صحیفه‌میزگه باش اورینگ!
شونینگدیک کابل شهری پل‌سرخ منطقه یشاوچیسی بولمیش پلوشه نینگ ایتیشیچه، ایکی هفته آلدین تاریخی اوتگن بلیق کنسری نی آلگنی‌دن کیین، قیته دکان‌دار گه بیرگن. «آنه‌م بیلن ییگولیک ماده آلیش اوچون کیتگن ایدیم، باشقه نرسه‌لر یانیده بیر قطعی بلیق کنسری نی آلدیم. اوی گه کیلگنیم‌دن کیین آچدیم و رنگی درست ایمس ایکن. تاریخی نی کوردیم که، تاریخی اوتگن و باشقه بلیق کنسری نی آلیش گه مجبور بولدیم.»
عین حالده، دکان‌دارلردن قطاری، تاریخی اوتگن ییگولیک ماده‌لر ساتیلیشی نی انصاف‌سیز‌لیک عنوان قیله‌دیلر. کابل نینگ شهرنو منطقه‌سیده‌گی دوکان‌دارلردن سمیر نینگ ایتیشیچه: «تاریخی اوتگن نرسه‌لر نی ساتمه‌یمیز. تاریخی اوتگن نرسه‌لر نی شرکت گه آلیب باره‌میز و تبدیل یا-ده تشله‌میز.»
شونینگدیک کابل نینگ شهر منطقه‌سیده‌گی دوکان‌دارلردن باشقه بیری استقبال نینگ ایتیشلریچه: «بو بیر قطار دکان‌دارلر ایشی دیر که، نرسه‌لری ساتیلمه‌گن تقدیرده زیان کوره‌دیلر، انه شوو سبب، تاریخی اوتگن نرسه‌لر نی ساته‌دیلر و اهالی ساغلیگی گه ضرری بار.»
شونده‌ی بیرحالده، کابل بلدیه‌سی نینگ ایتیشیچه، اوتگن اوچ آی‌ده کابل شهری نینگ تورلی بولیم‌لریدن اوچ‌مینگ کیلو‌دن آرتیق تاریخی اوتگن ییگولیک و ایچگو‌لیک ماده‌لر نی توپلگنلر.
کابل بلدیه سوزلاوچیسی نعمت‌الله بارکزی نینگ سلام‌وطندار گه ایتیشیچه: «تاریخی اوتگن نرسه‌لر نی ساته‌دیگن کیشی‌لر، بیرینچی‌ده آگاه‌لنتیریله‌دی و کیین ایسه، بو ایش نی دوام قیلگنی صورت‌ده، دکان‌لری مهرلاک بوله‌دی و عدلی و قضایی نهاد‌لر گه تانیشتیریله‌دی.»
شفاکارلر نینگ ایتیشلریچه، تاریخی اوتگن ییگویلک ماده‌لر، انسان نینگ وجودی گه زیان ییتیشتیریب و سرطان و باشقه تور کسل‌لیک‌لر گه سبب بوله‌دی.
بیزلرنینگ توییترده هم تعقیب قیلینگ!
شفاکارلردن فرید رفیعی نینگ ایتیشیچه: «ییگولیک بیر ماده نینگ وقتی اوتگنی پیتده، کیمیاوی ترکیب‌لری اوزگره‌دی. بیر نرسه نی وقتی اوتگنی‌‌ده، میکروب‌لر رشد قیله‌دی و انسان نینگ بدنی گه بارگنی پیتده، بیرینچی‌ده معده و کیین ایسه، تنفسی، عصبی، قلبی و قان کبی انسان نینگ وجودیده‌گی سیستم‌لر گه زیان ییتیشتیره‌دی.»
عین حالده، یشاوچیلر دکان‌دارلردن، اهالی ساغلیگی بیلن اوینمه‌ی و تاریخی اوتگن ییگولیک ماده‌لر نینگ ساتیلمه‌سلیگی نی ایسته‌گنلر.