پرتگال دولتی، فلسطیننی مستقل بیر مملکت اولهراق تن آلیشینی معلوم قیلگن.
پرتگال تشقی ایشلر وزیرلیگی، رسمی بیر بیانیه آرقهلی ۲۱-سپتمبر، یکشنبه کونی و بیرلشگن ملتلر تشکیلاتینینگ عمومی مجمعسی ییغیلیشی باشلهنیشیدن بیر کون آلدین، فلسطیننینگ تن آلیشینی تصدیقلهگن.
مذکور بیانیهده کیلیشیچه: «تشقی ایشلر وزیرلیگی، فلسطین دولتینینگ پرتگال آرقهلی تن آلینیشینی تصدیقلهیدی. تن آلینیش توغریسیدهگی رسمی بیانیه یکشنبه کونی اعلام بولهدی.»
پرتگال باشوزیری لوئیس مونتهنگرو، قرارنی یکونلشدن آلدین مملکت جمهور باشلیغی و پارلمانی بیلن مصلحتلشگن.
پرتگال دولتی، بیرینچی مرته جولای آییده فلسطیننینگ تن آلیش قراریدن خبر بیریب و اونینگ سببینی «اوروشلرنینگ خواطرلنتیرووچی اوزگریشلری، انسانی انقراض و اسرائیلنینگ فلسطین حدودلرینی قوشیب آلیش بوییچه تکرار تهدیدلری» دیگن ایدی.
بو بیلن بیرگه، جمعه کونی فرانسه جمهور باشلیغی امانوئل مکروننینگ مصلحتچیلریدن بیری، آندورا، آسترالیا، بلژیک، لوکزامبورگ، مالت و سانمارینو شامل باشقه نیچه مملکت، سعودی عربستاننینگ همکارلیگیده فرانسه بیلن بیر پیتده، نیویارکنینگ یوقاری درجهلی ییغیلیشیده فلسطین دولتینینگ تن آلیش نیتیده بولگنیدن خبر بیرگن.
