ساغلیق‌نی سقلش وزیرلیگی نینگ پولیو نی یوق ایتیش مرکز مسئوللری گه کوره، ایرته (دوشنبه، ۱۴-جوزا)، مملکت بویلب پولیو گه قرشی ایملیش کمپاینی باشلنه‌دی.
ساغلیق‌نی سقلش وزیرلیگی نینگ پولیو نی یوق ایتیش مرکز مسئولی عبدالقدوس بریالی نینگ سلام‌وطندار گه ایتیشیچه، مذکور تورت کون‌لیک کمپاین‌ده بیش یاش نی تولدیرمه‌گن ۱۱.۲ میلیون باله نینگ پولیو گه قرشی ایملنیشی ممکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ایرته افغانستان بویلب بو کمپاین باشلنه‌دی؛ اوشبو کمپاین‌ده قریب ۱۱.۲ میلیون باله نینگ پولیو گه قرشی ایملنیشی ممکن.»
مملکت غرب حوزه‌سی نینگ پولیو گه قرشی ایملش عملیاتی بولیمی مسئولی محمدآصف کبیر نینگ ایتیشیچه، مذکور تورت کون‌لیک کمپاین دوشنبه کونی هرات ده رسمی شکلده باشلنیب، اوشبو ولایت مرکزی و تومن‌لریده بیش یاش نی تولدیرمه‌گن ۲۵۸ مینگ باله نینگ واکسین بولیشی ممکن.
شونده‌ی بیرحالده، هرات حاکمی سوزلاوچیسی نثاراحمد الیاس نینگ ایتیشیچه، مذکور ولایت مرکزی و تومن‌لریده پولیو گه قرشی ایملش خصوصیده بو بولیم ایشلاوچیلری اوچون زمینه یره‌تیلیب و بو واکسین نینگ تطبیق بولیشی‌ده حکومتی مسئوللر ییترلی اقدام‌لر نی انجام بیرگنلر.
باشقه بیر تاماندن، هرات یشاوچیلریدن قطاری، پولیو واکسینی تطبیق بولیشی نی اونملی دیب و تیگیشلی مسئوللردن واکسین اهمیتی حقیده اهالی گه آگاهی‌لیک بیریلیشی نی ایسته‌گنلر.
بیزلرنینگ «ایکس» ترماغی ده هم تعقیب قیلینگ!
جاری میلادی ییل نینگ باشلنگنی‌دن بیری افغانستان ده تورت مرته پولیو گه قرشی ایملش کمپاینی یولگه قوییلگن.
ایتیش کیره‌ک که، افغانستان و پاکستان پولیو یوقالمه‌گن مملکت‌لردن دیر.
