سرپرست حکومت ساغلیقنی سقلش وزیرلیگینینگ اعلام قیلیشیچه، اوشبو وزیرلیک تیگیشلی خلقارا ادارهلر همکارلیگیده، جاری میلادی ییلنینگ بالهلر فلجیگه قرشی ایملش ملی کمپاینی ایکینچی دورینی، بوگون باشلهگن.
مذکور وزیرلیک، بوگون (۶-حوت، دوشنبه)، بیر بیانیه ترقهتیش بیلن ایتیشیچه، پولیو گه قرشی ایملش کمپاینینینگ بو دوری مرکز، جنوب، شرق، غرب، جنوبشرق و شمالشرق حوزهلریده ۱۶ ولایت (کابل، ننگرهار، لغمان، کنر، نورستان، قندهار، هلمند، زابل، ارزگان، پکتیا، پکتیکا، خوست، غزنی، بغلان، هرات و بادغیس) ده ۲۴-فبروریدن ۲۶-فبروریگچه تطبیق بولهدی.
بیزلرنینگ «ایکس» ترماغی ده هم تعقیب قیلینگ!
اوشبو کمپاینده بیش یاشنی تولدیرمهگن قریب ۶.۳ میلیون بالهنینگ پولیو گه قرشی ایملنیشی ممکن. ساغلیقنی سقلش وزیرلیگی بیانیهسیده کیلیشیچه: «۲۷-فبروریگچه بولگن تورت کونلیک بو کمپاین ننگرهار، کنر، لغمان، نورستان، هلمند و قندهار شهریده تطبیق بولیشی ممکن.»
بیانیهده ساغلیقنی سقلش وزیرلیگی سرپرستی نورجلال جلالیدن نقل قیلینیب یازیلیشیچه: «ساغیلقنی سقلش وزیرلیگی شریکلری همکارلیگیده افغانستان ده پولیو ویروسینی توختهتیش گه متعهد دیر. مملکت بویلب پولیو کسللیگینینگ مکمل شکلده اورتهدن کیتیشی مقصدیگه ایریشیش اوچون سعیوحرکت قیلهمیز و پولیو گه قرشی ایملش کمپاینلریگه دوام بیرهمیز.»
بیزلرنینگ فیسبوک صحیفهمیزگه باش اورینگ!
ساغلیقنی سقلش وزیرلیگی سرپرستی دین عالملری، قوم بویوکلری، آتهلر و آنهلر و جمعیتدهگی باشقه کیشیلردن واکسیناتورلردن حمایت قیلیشلرینی ایستهگن. «پولیو کسللیگی گه قرشی کورهش اوچون شرکت قیلیب و بالهلر ساغلیگینی سقلهسینلر.»
افغانستان و پاکستان حاضرگچه پولیو کسللیگی اورتهدن کیتمهگن مملکتلردن دیر. ۳-حوت جمعه کونی جاری میلادی ییلده پولیو گه چلینگن بیرینچی واقعه بادغیسده ثبت بولگن.
