«افغانستان پولیودن بوش» نهادی، کیلهسی هفته ولایتلردن قطاریده پولیو گه قرشی ایملش کمپاینینینگ باشلنیشیدن خبر بیرگن.
مذکور نهاد، بوگون (۲۱-قوس، جمعه)، بیر بیانیه آرقهلی اکس صحیفهسیده یازیشیچه، پولیو گه قرشی ایملش کمپاینی، ۲۴-قوس، دوشنبه کونی افغانستاننینگ ۱۶ ولایتیده باشلنهدی.
افغانستان پولیودن بوش نهادیگه کوره، مذکور کمپاین کابل، بلخ، قندوز، هرات، نورستان، کنر، ننگرهار، لغمان، خوست، پکتیا، پکتیکا، غزنی، زابل، ارزگان، قندهار و هلمند ولایتلریده عملگه آشیریلهدی.
اوشبو نهاد، بو کمپاینده بیش یاشنی تولدیرمهگن قنچه بالهنینگ ایملنیشی حقیده ایضاح کیریتمهگن.
افغانستان و پاکستان، دنیا مقیاسیده حاضرگه قدر بالهلر فلجی یوق بولمهگن مملکتلردن حسابلنهدی. جاری میلادی ییلده پولیونینگ بیرینچی مثبت واقعهسی، قویاش ۱۴۰۳-ییل، ۳-حوتده بادغیسده ثبت بولدی.
