«افغانستان پولیودن بوش» نهاد، ننگرهار و نورستان ولایتلریده بالهلر فلجی (پولیو) گه قرشی اېملش کمپاینی باشلنیشینی بیلدیردی.
افغانستان پولیودن بوش نهادی ایکس صحیفهسیده بیر بیانیه ترقهتیب اوشبو کمپاین ۵-میزان، شنبه کونی ننگرهار ولایتینینگ ۱۷ تومنی و نورستان ولایتینینگ تورت تومنیده عملگه آشیریلیشینی معلوم قیلدی.
بو کمپاینده، هر بیر باله اوچون پولیو گه قرشی ایکی تور واکسین تامچی و زرقی قوللنیلهدی.
اوشبو نهاد گه کوره، بو واکسینلر بالهلرنینگ ایمنی تیزیمینی ویروسلر گه قرشی مستحکملهیدی و بالهلر فلجینینگ ترقهلیشینی آلدینی آلهدی.
افغانستان پولیودن بوش نهادی، اوشبو باسقیچده قنچه باله واکسین بولیشی حقیده بهتفصیل معلومات کیریتمهگن.
پولیو، دوالب بولمهیدیگن ویروسلی کسللیک بولیب، اوندن بالهلرنی فقط واکسین آرقهلی حمایه قیلیش و آلدینی آلیش ممکن.
افغانستان و پاکستان، بالهلر فلجی تولیق یوقالمهگن یگانه مملکتلر دیر.
