اسلام امیرلیگی ساغلیقنی سقلش وزیرلیگینینگ اعلام قیلیشیچه، بوگون (۲۴-قوس، دوشنبه)، مملکت ۱۶ ولایتیده (کابل، بلخ، قندوز، هرات، نورستان، کنر، ننگرهار، لغمان، خوست، پکتیا، پکتیکا، غزنی، زابل، ارزگان، قندهار و هلمند)، پولیو گه قرشی ایملش کمپاینی باشلنهدی.
اوشبو وزیرلیک، بیر بیانیه آرقهلی یازیشیچه، پولیو گه قرشی ایملش کمپاینی تورت کونگچه دوام قیلیب و بو دورده بیش یاشنی تولدیرمهگن ییتی میلیون ۲۰۰ مینگ باله واکسین بولهدی.
ساغلیقنی سقلش وزیرلیگینینگ کوپهیتیریشیچه، بو وزیرلیک افغانستان دن پولیو کسللیگینینگ اورتهدن کیتگزیلشی و اوشبو کسللیک واکسینی تطبیق بولیشیگه متعهد دیر.
مذکور وزیرلیک، عایلهلردن بالهلرینی دایمی فلجلیکدن حمایه قیلیش اوچون اولرنینگ واکسین قیلیشلرینی سورهگن.
بو، جاری میلادی ییلده افغانستان ده پولیو گه قرشی ایملش بیشینچی فرعی کمپاین بولیب و مذکور کمپایننینگ تورتینچی دوری ایسه ۳-قوس اوتکزیلگن ایدی.
بالهلر فلجی حاضرگچه مملکتده یوقالمهگن کسللیک بولیب و اسلام امیرلیگی اوتگن تورت ییلده تشقی مملکتلر و نهادلردن، افغانستان ده بو کسللیکنینگ یوقالیشی اوچون همکارلیک قیلیشلرینی ایستهگن.
