بیر نومبر آیی دن کیین پاکستان دولتی تامانیدن اوشبو مملکت دن عایله‌لری بیلن جبر دن چیقریلگن باله‌لردن بیرقطاری نینگ ایتیشلریچه، دایمی یشش اوی‌لری یوقلیگی و کیله‌جک‌لری نامعلوم‌لیگی دن خواطر ده‌لر.
پاکستان مکتب‌لری دن بیری ده آلتینچی صنف اوقووچیسی ۱۴ یاشر احمد، اسپین‌بولدک بندری آرقه‌لی مملکت گه قیتگن، حاضر دایمی یشش اوی‌لری یوقلیگی اوچون قندهار ده قرینداش‌لری دن بیری نینگ اویی ده حیات کیچیرماقده ایتیشیچه، تعلیم دن اوزاقلش و کیله‌جک‌لری نامعلوم‌لیگی دن تشویش ده دیر.
او، پاکستان نینگ کویته شهری ده نیچه ییل تیریکچیلیک قیلگن ایتیشیچه: «بیز نی کویته شهری دن قولگه آلدیلر، همه نرسه‌میز او ییرده قالدی، بو ییرده ییگولیک آوقت بیرگن بولسه‌لرده لیکن دایمی یشش اویی‌میز یوق و تعلیم دن اوزاق‌لش‌دیک.»
بیزلرنینگ فیسبوک صحیفه‌میزگه باش اورینگ!
سونگی بیر هفته ده تورخم بندری آرقه‌لی عایله‌لری بیلن مملکت گه قیتگن باله‌لر و حاضر قاچقین‌لر نینگ وقتینچه‌لیک کمپ‌لری ده حیات کیچیریشماقده، کیله‌جک‌لری نامعلوم‌لیگی دن نالیب ایتیشلریچه، کیلگن‌لری دن بیر هفته اوتماقده ایکن حاضرگچه اولر گه دایمی یشش اوی بیریلمه‌گن.
ییتتینچی صنف اوقووچیسی و ۱۴ یاشر شهاب‌الله گه کوره: «بیز توقیز ایناغه و بیر سینگیل‌میز، قیتگنیمیز دن بیش کوندن کوپ اوتماقده، بیز گه دقت قیلینه‌دی بیراق کمپ ده تیریکچیلیک قیلماقده‌میز، دایمی یشش اویی‌میز بولیب، درس اوقیب و مملکت گه خذمت قیلیشنی ایسته‌یمیز.»
شونینگدیک، ۱۱ یاشر کامران نینگ ایتیشیچه: «پاکستان ده درس اوقیر ایدیک، قیتگنیمیز دن آلتی کون اوتماقده، برچه نرسه‌میز پاکستان ده قالدی، آته و آنه‌م او ییر ده ایشلر ایدیلر حاضر برچه‌میز ایش‌سیز میز، درس اوقیب و حیات کیچیریش نی ایسته‌یمیز.»
شو بیلن بیرگه، اسلام امیرلیگی گه کوره، ینگی‌لیکده پاکستان دن قیتگن قاچقین‌لر گه دایمی یشش اوی، تعلیم و ساغلیک خذمت کورسه‌تیش اوچون ایریم ریجه‌لری بار؛ بیراق یشاوچیلر و تشکیلات‌لر نینگ یاردمی بیلن بو ریجه‌لرنی عملگه آشیریش ممکن.
اسلام امیرلیگی سوزلاوچیسی ذبیح‌الله مجاهد نینگ سلام‌وطندار گه ایتیشیچه: «اسلام امیرلیگی نینگ اقتصادی یخشی ایمس‌لیگی طبیعی دیر، بو موضوع حلی اوچون یشاوچیلر یاردم بیریشماقده و بوتوغریده قطار تشکیلات‌لر و انسان پرور جمغرمه‌لر همکارلیک قیلماقده. اولر دن منتدارلیک بیلدیره‌میز و یاردم‌لری گه دوام بیریش‌لرینی ایسته‌یمیز.»
بیزلرنینگ «ایکس» ترماغی ده هم تعقیب قیلینگ!
بیرلشگن ملت‌لر تشکیلاتی نینگ انسان پرورلیک یاردم‌لر نی هماهنگ قیلووچی دفتری (اوچا) نینگ ترقه‌تگن بیانیه‌سی اساسیده، پاکستان دن جبر دن چیقریلگن افغانستان‌لیک قاچقین‌لر نینگ ۶۰ فایزی باله‌لر دیر. مذکور نهاد پاکستان دن قیتگن باله‌لر احوالی دن خواطر بیلدیریب، اولر و عایله‌لری گه تیز یاردم کورسه‌تیلیشینی سوره‌گن بیرحالده، سونگی کون‌لر ده پاکستان دن قیتگن باله‌لر کیله‌جک‌لری نامعلوم‌لیگی دن خواطر بیلدیرماقده‌لر.
قاچقین‌لر وزیرلیگی نینگ معلوماتی اساسیده، اوشبو میلادی ییل نینگ بیر نومبر آیی دن ییتتینچی نومبر گچه سان‌لری ۱۲۴ مینگ کیشی که ۱۷ مینگ عایله دن عبارت دیر، اسپین‌بولدک-چمن و تورخم بندرلری دن مملکت گه قیتگنلر.