پاکستان و سعودی عربستان تشقی ایشلر وزیرلری، غزه ده دایمی آتیش کېسین برقرار اېتیلیشینی اېسته‌گنلر. سعودی عربستان تشقی ایشلر وزیری شهزاده فیصل بن فرحان آل سعود، ۲۷-حمل، دوشنبه کونی یوقاری مرتبه‌لی هیئت ییتکچیلیگیده پاکستان گه سفر قیلگن اېدی، اوشبو مملکت تشقی ایشلر وزیری اسحاق دار بیلن اوچره‌شیب، ایکّی مملکت نینگ مناسبتی، سوداگرلیک آلیش-بیریش مسئله‌لرینی بحث گه آلگن.
بیزلرنینگ فیسبوک صحیفه‌میزگه باش اورینگ!
آل سعود پاکستان تشقی ایشلر وزیری اسحاق دار بیلن قۉشمه خبری ییغیلیش‌ده، اسراییل اردوسی نینگ ییر و هوا هجوم‌لریده فلسطین خلقی قیرغین بوله‌یاتگنیگه اشاره قیلیب و غزه ده حماس و اسرائیل آره‌سیده‌گی اوروش گه چېک قوییلیشینی سۉره‌گن. اونگه کوره: «بو احوال نی قبول قیلیب بولمه‌یدی. بو خلق‌ارا تېزیم نینگ بوتونلی مغلوبیتیدن درک بیره‌دی. حاضر آتیش کېسین برقرار اېتیلیشی کېره‌ک.»
شونینگدیک اوشبو اوچره‌شووده، پاکستان تشقی ایشلر وزیری هم اسرائیل آتینی ذکر قیلمسدن غزه‌ده‌گی احوالنی «قیرغین» دیب و حساب بیریش کېره‌ک دیگن.
بیزلرنینگ «ایکس» ترماغی ده هم تعقیب قیلینگ!
پاکستان و سعودی عربستان‌لیک اوشبو ایکّی دیپلمات غزه خلقی گه انسان پرورلیک یاردم‌لر یېتکزیب بیریلیشی گه تاکید اېتگنلر.
غزه ساغلیق‌نی سقلش وزیرلیگی گه کوره، اۉتگن ییل ۷ اکتوبر دن حاضرگچه غزه ده اسرائیل حربی کوچلری نینگ ییر و هوا هجوملری عاقبتیده حاضرگچه فلسطین‌لیک باله‌لر و عیاللر شامل ۳۴ کیشی قربان بولگن.
