تورکمنستان تشقی ایشلر وزیرلیگی بیر بیانیه ترقه‌تیب، بو مملکت تشقی ایشلر وزیری‌نینگ اورین باسری سردار محمد دوردیوف و چین‌نینگ افغانستان اوچون وکیلی یوشیائو یونگ، ایکّی تامانلمه اوچره‌شووده افغانستان اقتصادی یخشی‌لنیشی اوچون بو دولتلر افغانستان‌دن حمایت‌لری گه دوام بیریش‌لریدن ایشانچ بیرگنلر.
اسلام امیرلیگی سۉزلاوچیسی‌نینگ اورین باسری حمدالله فطرت، بیر اودیو فایل‌ده افغانستان‌نینگ اقتصادی یخشی‌لنیشی اوچون مذکور ایکّی مملکت‌نینگ همکارلیک قیلیشینی خوش قرشی‌لب، باشقه مملکت‌لردن هم افغانستان بیلن اقتصادی و سیاسی مناسبت‌لرینی کېنگه‌یتیریشنی سوره‌گن.
بیزلرنینگ فیسبوک صحیفه‌میزگه باش اورینگ!
اونگه کوره: «بیز بونی منطقه‌وی و قۉشنی دولتلر افغانستان‌ده‌گی اقتصادی و اجتماعی اوسیش و ترقیات یولیده‌گی همکارلیکنی دوام اېتّیریش همده بو وضعیت‌نی یخشی‌لشگه قیلگن حرکتلرینی خیرلی قدم دیب بیله‌میز. شونگه قره‌می بیز دنیانینگ برچه دولتلری بیلن اقتصادی و سیاسی علاقه‌لریمیزنی یېنه‌ده کېگه‌یتیریشنی اېسته‌یمیز.
اقتصادی ایش بیلرمانلر، افغانستان بیلن مملکتلرنینگ اقتصادی همکارلیکلری دوام تاپیشینی، مملکت اقتصادی یخشی‌لنیشی و آست قورمه‌لر اوچون مهم بیله‌دیلر.
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان نصیر رشتیانینگ سلام‌وطندار گه ایتیشیچه: «وضعیت مثبت اۉزگریشی اوچون قۉشنی و منطقه مملکتلرنینگ افغانستان بیلن همکارلیکلرینی ایجابی بهاله‌یمیز، اوشبو مدت ایچیده کورستگن یاردملری انسان پرورلیک یاردملر بولگن آز مدت‌ده اهالینی قۉللب-قوتله‌یدی؛ بیراق اقتصادی ترقیات اوچون آست قورمه و ترقیاتی لایحه‌لر عملگه آشیریلیشی کېره‌ک.»
اوشبو اوچره‌شووده، چین و تورکمنستان رسمی‌لری افغانستان قۉشنی مملکتلری تشقی ایشلر وزیرلری‌نینگ بیشینچی ییغیلیشی‌ده تیارگرلیک کوریش مسئله‌سی هم بحث گه آلینگن.
تورکمنستان تشقی ایشلر وزیرلیگی‌نینگ بیانیه‌سی اساسیده، افغانستان قۉشنی مملکتلری‌نینگ تشقی ایشلر وزیرلری بیشینچی ییغیلیشی، تورکمنستان پایتختی عشق‌آبادده اۉتکزیلیشی کوتیله‌دی.
