امریکا قۉشمه ایالتلرینینگ کنتاکی ایالتیده «محمدعلی» خلقارا هوا قونالغهسیده یوک تاشووچی بیر اوچاقنینگ قولشی عاقبتیده چمهسی ۷ کیشی هلاک بولیب و ۱۱ کیشی یرهلنگن.
خلقارا یېتکرمهلر، ۱۴-عقرب/۵-نومبر، چهارشنبه کونی کنتاکی عملدارلریگه اساسلنیب، واقعه طفیلی تلفات رقمی آشیشینی معلوم قیلگنلر.
معلوماتلر گه کوره، بو واقعه اوتگن کونی شام پیتی یوز بیرگن و اوچاق قولش چاغیده ۳۸ مینگ گالن یاقیلغی آلیب کېتهیاتگن بولیب و ایکی بناگه اوریلگچ، ییریک یانغین یوزه کېلگن.
اوشبو واقعهده، قونالغهدهگی بوتون کیریش و چیقیش پروازلر وقتینچهلیک بیکار قیلینگن و قونالغه باندی یاپیلگن.
امریکا هوا یوللری ادارهسی، واقعه سببلرینی انیقلش بوییچه تیرگاو ایشلری باشلنگنینی بیلدیرگن.
