لیبیا حربی کوچلری باشلیغی محمدعلی احمد الحداد، اوشبو مملکتنینگ تورت حربی ییریک عملداری بیلن بیرگه، تورکیه پایتختی انقره یقینیده خصوصی بیر اوچاقنینگ قولشی عاقبتیده هلاک بولدی.
الجزیره یېتکرمهسی، بوگون (۳-جدی/۲۴-دسمبر، چهارشنبه) ترقهتگن گزارشیده، بو واقعه اوتگن کون انقره خلقارا ایسنبوغا هوا قونالغهسیدن اوچگنیدن بیر آز اوتگچ یوز بیرگن و برچه یولاوچیلری جملهدن اوچ پیلوت هلاک بولگنیدن خبر بیردی.
لیبیا باش وزیری عبدالحمید دبیبه، الحداد اولیشینی لیبیا خلقی و حربی نهادی اوچون «بویوک فاجعه» دیگن. اوشبو واقعه طفیلی لیبیا دولتی اوچ کون عمومی ماتم اعلان قیلگن.
لیبیا هیئتی اوشبو واقعه پیتیده، بو ایکی مملکت اورتهسیده حربی همکارلیکلرنی مستحکملش مقصدیده تورکیهده بولگنلر.
تورکیه رسمیلری، دستلبکی تېکشیرولر گه تیهنیب، لیبیا حربی کوچلری باشلیغینینگ خصوصی اوچاغی بوزیلیش احتمالینی رد ایتیب و تخنیکی قیینچیلیک» باعث قولهگنینی ایتگنلر.
تورکیه رسمیلریگه کوره، اوچاق قندهی قولهشی حقیده تېکشیرولر باشلنگن و لیبا هم، واقعهنی یقیندن تېکشیریش اوچون بیر تیم انقره گه یولهگن.
