بیرلشگن ملتلر تشکیلاتینینگ آزیق-آوقت و ایکینچیلیک دستوری (فائو) معلوم قیلگنیدیک، کیچیک حیوانلر وبا کسللیگی، افغانستانده ۲۱ میلیوندن آرتیق قوی و اېچکینی خوف آستیگه قویگنینی بیلدیرگن.
اوشبو تشکیلات، بوگون (۲۰-عقرب/۱۱-نومبر) ایکس صحیفهسیده بیر بیانیه ترقهتیب، آسیا ترقیات بانکی و بریتانیا دولتینینگ حمایتی بیلن، افغانستان مقیاسیده «کیچیک حیوانلر وبا» کسللیگیگه قرشی کېنگ کولملی واکسین کمپاینی یولگه قوییلگنینی ایتگن.
بیرلشگن ملتلر تشکیلاتینینگ آزیق-آوقت و ایکینچیلیک دستوری گه کوره، یوقوملی اوشبو کسللیک ۲۱ میلیوندن آرتیق قوی و اېچکینی تهدید قیلیب و اونلب مینگ چاروهدار تیریکچیلیگینی خوف آستیگه قوییشی ممکن.
وبا (طاعون) یوقوملی کسللیک دیر و کوپراق قوی و اېچکیلر بو کسللیکه چلینهدی. اوشبو کسللیکنی یوقتیرگن و ساغلام حیوانلر اورتهسیدهگی توغریدن-توغری علاقهلر یا کی تنهدن اجرهلهدیگن مادهلردن مثلاً سولَک (بزاق)، سیدیک و اخلت آرقهلی یوقهدی و گله ایچیده تیز ترقهلیشی ممکن.
