ایران جمهور باشلیغی مسعود پزشکیان، ایران بیلن امریکا و اسرائیل اورتهسید اوروش دوام ایتماقده ایکن، بو مملکت هیچ قچان تسلیم بولمسلیگینی بیلدیردی.
ایران تسنیم آژانسی، بوگون (۱۶ حوت/۷ مارچ، شنبه) مسعود پزشکیان ویدیوسینی ترقهتگن، پزشکیان اوشبو ویدیو فایلده ایران هیچ قچان امریکا و اسرائیل گه تسلیم بولمهی و سونگی لحظه گه قدر مستقللیک و مملکت توپراغیدن دفاع قیلیش گه دوام بیریشینی معلوم قیلدی.
مسعود پزشکیان اوشبو ویدیو فایلده، ایران تامانیدن راکته آتیلگن قوشنی مملکتلردن عذر سورهب و بوندن سونگ ایران تهدید بولمهیدیگن اولکهلر راکتهلر بیلن نشانگه آلینمسلیگینی ایتگن.
بو قرار اوتگن کون وقتینچهلیک رهبریت کینگشی تامانیدن آلینگنینی قوشیمچه قیلگن مسعود پزشکیان.
امریکا جمهور باشلیغی دونالد ترامپ، اوتگن کون ایران بو مملکت گه تسلیم بولمهگونچه، ایران بیلن کیلیشمسلیگینی ایتگن ایدی.
