افغانستان دهگی ییتکرمه فعالیتی قیینچیلیکلرینینگ دوامیده، ییتکرمهلرنی قوللب-قوتلاوچی نهادلرنینگ مالی یاردملری کیسیلیشی، اقتصادی قیینچیلیکلر و سرپرست حکومت آرقهلی یرهتیلگن چیکلاولر، ییتکرمهلرنی قیین وضعیتگه قویگن.
بو دورهده، خبرچیلردن کوپ قطاری ایشلرینی قولدن بیریب و مالی قیینچیلیکلر بیلن روپهره بولگنلر؛ فعالیتلریگه دوام بیرگنلر هم، معلومات گه قول تاپیش بوییچه چیکلاولر و معاش کمهیشی بیلن روپهره بولگنلر.
شونینگدیک اوتگن بیر ییلده، ییتکرمهلر توغریسیده تورلیخیل قانونلر و بویروغلرنینگ قبول بولگنی و عملگه آشیریلگنی، ژورنالیستلرنینگ خبرچیلیک جریانینی جدی قیینچیلیکلر بیلن روپهره قیلگن؛ ۲۰۲۴-ییل سپتمبر آییده سیاسی برنامهلرنینگ جانلی یایین شکلده ترقهتیلیشی تقیقلنگنیدن مذکور ییل دسمبر آییده هلمند ده عیاللر سیسی ترقهتیلیشی تقیقلنگنی همده امر بالمعروف و نهی عنالمنکر قانونینینگ ۱۷-مادهلیک دایرهسیده ۱۴دن آرتیق ولایتده تیریک موجودلر صورتی ترقهتیلیشی تقیقلنگنیگچه، ییتکرمهلر فعالیتینی کمهیتیرگن.
بیزلرنینگ فیسبوک صحیفهمیزگه باش اورینگ!
اوتگن بیر ییلده ییتکرمهلرده اقتصادی بحرانلر سبب ایشسیز بولگن خبرچیلردن قطاری، ایشسیزلیکدن کیینگی قیینچیلیکلر و عایلهلرینینگ خرهجتینی تامینلش توغریسیده خواطر بیلدیرگنلر. اولرنینگ ایتیشلریچه، خارجی یاردملر کیسیلگنی و ییتکرمهلرده مالی منبعلرنینگ جدی شکلده کمهیگنی، نه فقط ایش فرصتلری کمهیگن، بلکیم ییتکرمهلرنی قوللب-قوتلاوچی نهادلر حمایتی هم کمهیگن و بو وضعیت، اولرنینگ کوندهلیک حیاتیگه آغیر باسیم کیلتیرگن.
ایشسیز بولگنیدن ییتی آی بولگن خبرچیلردن سحر محمدینینگ ایتیشیچه، ایشینی قولدن بیرگنیدن کیین اقتصادی قیینچیلیکلر بیلن روپهره بولیب و عایله خرهجتلرینی تامینلش اونینگ اوچون قیین بولگن. «افغانستان ده خارجی پروژهلر توختهتیلگنی سبب، ایشیمیز توختهتیلدی. حاضر ایشسیزمین و بیران جایگه ایش تاپماقچینمین که حداقل اوزیم و عایلهمنینگ صرف-خرهجتینی تامین قیلسم که کیچهوکوندوزیمیز اوتسه.»
خصوصی ییتکرمهلردن بیریده تورت ییل ایشلشدن کیین اقتصادی قیینچیلیکلر و معاشی توللنیشیده ییتکرمهنینگ امکانیتسیزلیگی سبب آلتی آی آلدین ایشسیز بولگن مروه راسخنینگ ایتیشیچه: «اولر معاشیمیز توله آلمس ایدی، انه شوو سبب ایشسیز بولدیک و حاضر ییتکرمهلرده ایشله آلمسلیگیمیز اوچون باشقه ایشگه مصروف بولدیک که اوز صرف و خرهجتیمیزنی تامین قیله آلسک.»
ایشسیزلیک و اقتصادی قیینچیلیکلر، خبرچیلر قیینچیلیگینینگ یالغیز بیر بولیمی دیر. بونگه علاوه، دقیق و وقتیده معلوماتگه قول تاپیش کمهیگنی، اولردن قطارینینگ مسلکی یولده قیینچیلیک بیلن روپهره قیلگن. خبرچیلرنینگ ایتیشلریچه، خبری منبعلر چیکلنیشی، خبرچیلیک ایشینی قیینلشتیرگن.
خصوصی ییتکرمهلردهگی خبرچیلردن حسنا احمدینینگ ایتیشیچه، دولتی نهادلر آرقهلی جواب بیریلمسلیگی سبب، گزارشلری اونچهلیک اعتبار تاپمهی و بو موضوع او و ایشداشلری اوچون خبرچیلیک یولیده بویوک قیینچیلیک بولگن. «معلوماتگه قول تاپیش مینی اوچون آسان بولمهی و دولتی ادارهلردن کوپ قطاری ییتکرمهلرگه انیق شکلده معلومات بیرمهیدیلر، موردلردن قطاری ده، گزارشلر ناقص و مستند بولمهگن بولیب قالهدی.»
بیزلرنینگ «ایکس» ترماغی ده هم تعقیب قیلینگ!
مملکت ییتکرمهلریده ییتی ییل تجربهگه ایگه بولگن خبرچیلردن لیلا عمرینینگ ایتیشیچه، حاضرگی وضعیتده معلومات گه قول تاپیش ایشی توغریسیده اینگ بویوک قیینچیلیککه اوزگرگن. اونینگ کوپهیتیریشیچه: «بعضا معلومات قولگه ییتیشمهیدی، کون اوتهدی و کوتیب توریش کیرهک؛ نهایت جواب بیریلمهیدی یا-ده بیزگه تیگیشلی ایمس و باشقه بولیم گه تماس آلینگ دیهدیلر، بوندن آلدین بو رقم ایمس ایدی؛ حاضر معلومات گه قول تاپیش قیین دیر.»
ییتکرمهلرده موجود قیینچیلیکلر و فعالیتی آسانلشتیریلیشی توغریسیده سرپرست حکومتنینگ اقداملری و چاره-تدبیرلرینی بیلیش ایستهدیک، لیکن کوپینچه سعیوحرکت بیلن موفق بولمهدیک.
اوتگن بیر ییلده، اهالینینگ ییتکرمهلر فعالیتیدن رضایتی هم دایمی روشدن کمهیب بارماقده. یشاوچیلردن کوپ قطاری خبرلر ترقهتیلیشیده کینگ قمراولی چیکلاولر همده دقیق و زمانهوی معلومات گه آزراق قول تاپیش سبب، ایچکی ییتکرمهلردن خورسند بولمهی و خبرلرینینگ تشقی ییتکرمهلر و اجتماعی ترماقلردن کوزهتیب باریشهدیلر.
