کابل ده متقاعدلردن قطاری‌نینگ ایتیشلریچه، اسلام امیرلیگی رهبری اولرنینگ حقلری توللنیشی اوچون مخصوص محکمه ایجاد بولینیشینی بویروغ بیرگنی بیلن، بیراق حاضرگچه مذکور محکمه تشکیل ایتیلمه‌گن.
نیچه ییل ملی مدافعه وزیرلیگی‌ده ایشله‌گن حبیب‌الرحمان، سرپرست حکومت‌دن متقاعدلر حقلری توللنیشی اوچون تیزلیک بیلن مخصوص محکمه ایجاد بولیب و اولرنینگ قیین‌چیلیکلری حل بولینیشینی ایسته‌گن. اونینگ کوپه‌یتیریشیچه: «تیزلیک بیلن محکمه ایجاد بولیشینی ایسته‌یمیز؛ محکمه گه باریش‌گه تیارمیز؛ جنایت‌چی ایمس‌میز و جنایت‌چی بولسه‌ک بو مملکت‌دن قاچقیب کیتردیک.»
بیزلرنینگ «ایکس» ترماغی ده هم تعقیب قیلینگ!
اوچ ییل‌دن بیری تقاعد حقی‌نی قولگه کیلتیرمه‌گن حلیمه‌نینگ ایتیشیچه، مخصوص محکمه ایجاد بولیشی و سرپرست حکومت آرقه‌لی حقی توللنیشینی کوتیب تورگن. «حکومت‌دن تقاعد حقی‌میز‌نینگ توله‌شینی ایسته‌یمیز؛ متقاعدلردن برچه‌سی سرگردان. تقاعد حقی متقاعد کیشی‌نینگ باشقه‌لر گه محتاج بولمسلیگی اوچون توللنه‌دی.»
مذکور متقاعدلرنینگ ایتیشلریچه، سرپرست حکومت آرقه‌لی تقاعد حقلری توللنمه‌گنی سبب، اقتصادی قیین‌چیلیکلر بیلن روپه‌ره بولگنلر.
متقاعدلردن باشقه بیری حبیب‌الله‌نینگ ایتیشیچه، تقاعد حقی توللنمه‌گنی سبب، عایله‌سی‌نینگ دست‌لبکی نیازلرینی تامین‌لش‌گه کوچی ییتیشمه‌یدی. «حیات کیچیریش وضعیتی‌میز یامان دیر؛ ۱۰ افغانی‌لیک موتر کرایه‌سی‌گه حیران قاله‌من. بو رقم ساووق هوا‌ده یاقیلغی ماده‌میز یوق. نیچه مرته قیین‌چیلیگی‌میز حلی اوچون وزیرلیککه کیلدیم.»
اسلام امیرلیگی رهبری شیخ هبت‌الله آخوندزاده، قریب بیر آی آلدین سکیز ماده‌لیک بیر فرمان‌نی صادر قیلدی که اونینگ اساسیده، متقاعدلر ایسته‌گی مخصوص محکمه آرقه‌لی تیکشیریلیب و اولرنینگ حقلری توللنه‌دی.
بیزلرنینگ فیسبوک صحیفه‌میزگه باش اورینگ!
بو بیلن بیرگه، اسلام امیرلیگی سوزلاوچیسی ذبیح‌الله مجاهد‌نینگ ایتیشیچه، متقاعدلر حقلری توللنیشی اوچون مخصوص محکمه‌نینگ تشکیل ایتیلیشی توغریسیده ایش‌نینگ دوامی بار و اونینگ یکونلنیشیدن کیین، بو محکمه ایش‌گه باشله‌یدی. اونینگ کوپه‌یتیریشیچه: «متقاعدلر گه تیگیشلی موضوع‌لر خصوصیده ایش‌نینگ دوامی بار؛ تیگیشلی اداره‌لر جمله‌دن مالیه وزیرلیگی اوز اقدام‌لرینی قیلیشلری کیره‌ک. ینگی تشکیل‌گه نیازی‌میز بار ایدی، حاضرگی موضوع تشکیلات کمیسیونی‌ده دیر، اداری کمیسیون‌ده؛ موضوع‌نینگ یکونلنیشیدن کیین اقدام صورت تاپه‌‌دی.»
اوتگن اوچ ییل‌ده متقاعدلر نیچه مرته اسلام امیرلیگی‌دن تقاعد حقلری توللنیشینی سوره‌گنلر.
