جرمنی تشقی ایشلر وزیری انالنابربوک، چین گه قیلگن سفری دایره‌سیده، اوشبو مملکت ده انسان حقلری وضعیتیدن تنقید قیلیب و مذکور مملکت ده مطبوعات و اویغورلر نینگ وضعیتیدن خواطر بیلدیرگن.
خانم بربوک، جمعه کونی، ۲۵ حمل، بیجینگ گه قیلگن سفری ده چین همکسب‌لری بیلن ملاقات قیلیب و اوشبو مملکت ده‌گی اویغورلر و باشقه آزچیلیک مسلمان قوم‌لر نینگ حقوقی ایاغ آستی بوله‌یاتگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
شونینگدیک خانم بربوک، چین و تایوان آره‌سیده حربی قرشی‌لیکلر گه اشاره قیلیب، اروپا بو ایکی مملکت ارا کیسکینلیکلر گه بی فرق بولمسلیگی کیره‌ک دیگن.
او نینگ ایشانچی گه کوره، چین و تایوان ارا کیسکینلیکلر دنیا اقتصادی اوستیگه تأثیر قیلیب و جرمنی تایوان تنگه‌سیده‌گی کیسکینلیکلر گه بی فرق بوله آلمه‌یدی.
عین‌حالده، فرانسه جمهور باشلیغی امانویل مکرون، اوتگن هفته چین گه قیلگن سفری ده اروپا اتفاقی گه، اولر گه تیگیشلی بولمه‌گن بحران‌لر گه قوشیلمسلیکلرینی ایتگندی.
بیزلرنینگ توییترده هم تعقیب قیلینگ!
مکرون نینگ اوشبو بیاناتی، امریکا قوشمه ایالت‌لری و ناتو ده فرانسه بیرقطار متحدلری نینگ عکس‌العملی گه روپه‌ره بولگن.
