ایکینیچلیک، سوغاریش و چاروهچیلیک وزیرلیگی، قویاش ۱۴۰۴-ییلده مملکتده شفتالو یېتیشتیریش ۶۵ مینگ ۳۴۱ متریک تُن گه یېتگنینی معلوم قیلگن.
اوشبو وزیرلیک، ۳-عقرب، شنبه کونی بیر بیانیه ترقهتیب بو حقده خبر بیرگن.
ایکینیچلیک، سوغاریش و چاروهچیلیک وزیرلیگینینگ بیانیهسیگه کوره، قویاش ۱۴۰۴-ییلده شفتالو اېنگ کوپ پکتیکا، قندهار، بغلان، ننگرهار، میدانوردک، هلمند، بلخ، غزنی، پروان، دایکندی و کاپیسا ولایتلریدن ییغیلگن.
بیانیه اساسیده، حاضرگی کونده مملکت بویلب ۸ مینگ ۴۳۵ هکتار ییرده شفتالو باغلری بار، بو میوه اکثر ولایتلرده ایکیلیب و یخشی حاصل بیرهدی.
ایکینیچلیک، سوغاریش و چاروهچیلیک وزیرلیگینینگ ایتیشیچه، اوشبو وزیرلیک تامانیدن باغدارلر گه کورسهتیلگن تخنیک و ترغیبلنتیرووچی یاردملر، مملکتده شفتالونینگ صفتی و یېتیشتیریلیشی گه مثبت تأثیر قویگن.
شفتالو کبی ایرته پیشهدیگن میوهلرنی رواجلنتیریش بو وزیرلیکنینگ ایشلب چیقریشنی برقرار قیلیش، باغدارلر اقتصادیاتینی اوستیریش همده میوه وارد قیلیشگه بولگن احتیاجنی کمهیتیریش مقصدیده سعی-حرکت قیلماقدهلیگینی بیلدیرگن، ایکینیچلیک، سوغاریش و چاروهچیلیک وزیرلیگی.
