پروان امبولانس فعالیتی کمه‌یگنیدن کیین پروان یشاوچیلریدن قطاری نینگ ایتیشلریچه، کسللر نینگ اوزاق منطقه‌لردن مذکور ولایت مرکزی گه انتقال بیریلیشی نینگ سیکین‌لیگی، کسللردن بیر قطاری نینگ یولده وفات قیلیشی یا-ده کوپینچه خره‌جت بیلن کسل‌خانه گه انتقال تاپیشی گه سبب بولگن.
پروان ولایتی قیشلاق یشاوچیلریدن بیری احمد نینگ ایتیشیچه، یقین‌داشلریدن بیری، پروان امبولانس نینگ بارمه‌گنی و کسل‌خانه گه وقتی‌ده انتقال بیریلیشی اوچون امکانیت یوقلیگی سبب، جان بیرگن.
بیزلرنینگ «ایکس» ترماغی ده هم تعقیب قیلینگ!
او بو توغریده مسئوللر آرقه‌لی جدی اعتبار قره‌تیشلری نی ایسته‌ب کوپه‌یتیریشیچه: «اوتمیشلرده پروان امبولانس نینگ فعالیتی یخشی ایدی، بعضی وقت سالنگ قتناو یولی‌ده عاجل واقعه‌لر چیقگنی‌ده، تماس آلگنی‌میز پیت کیله‌ر ایدیلر. حاضر ایسه بعضی وقت کیله‌دی و بعضی وقت کیلمه‌یدی. امبولانس نینگ فعال توخته‌یشی کیره‌ک که، عاجل بیر واقعه چیقگنی‌ده کسللر نینگ انتقال بیرسین.»
پروان یشاوچیلریدن باشقه بیری فریحه نینگ ایتیشیچه، عاجل خذمتلر ارائه‌سی خصوصیده امبولانس نینگ جهازلنگنی سبب، ترافیکی حادثه‌لر، قلبی کسل‌لیک و نسایی-ولادی کسل‌لیکلری اوچون، پروان امبولانس نینگ وقتی‌ده خذمت ارائه قیلیشی گه نیاز دیر، بیراق بو خذمتلر نیچه پیت‌دن بویان کمه‌یگن.
فریحه نینگ کوپه‌یتیریشیچه: «کوپ نیاز دیر که، بیر کیشی یریم کیچه سکته قلبی یا-ده سکته مغزی قیله‌دی، شونینگدیک نسایی ولادی قیین‌چیلیگی بوله‌دی. پروان امبولانس فعالیتی آز دیر. فعالیت قیلگنی پیتده، بیر کیشی تماس آلسه، عاجل کیلیب و بیر کیشی نینگ حیاتی نی قوتقره‌دی. پروان امبولانس‌ده بولگن خذمتلر عادی موترلر یا-ده لینی موترلرده بولمه‌یدی.»
شونینگدیک پروان ملکی کسل‌خانه باش شفاکاری عبدالخلیل حیدری نینگ ایتیشیچه، سونگی کون‌لر پروان امبولانس خذمتلر ارائه‌سی کمه‌یب و منطقه‌لردن کسللر نینگ مذکور کسل‌خانه گه انتقال تاپیشی خصوصیده همکارلیگی یوق دیر. «ایکی آی بوله‌دی که فعالیتی توخته‌گن، کسللر نی کیچه و کوندوز تومن‌لر و قیشلاق‌لردن کسل‌خانه گه کیلتیره‌ر ایدی و اولر نینگ جانی نی قوتقره‌ر ایدی. امبولانس‌لریمیز نینگ سانی ایکی ته دیر، یا خراب بوله‌دی یا-ده کابل ده بوله‌دی که باشقه ساحه‌دن کسل ییتیشه‌دی.»
بیزلرنینگ فیسبوک صحیفه‌میزگه باش اورینگ!
عین حالده، پروان ساغلیق‌نی سقلش ریاستی نینگ پروان امبولانس آمری هجرت‌الله حق‌پال، پروان امبولانس فعالیتی کمه‌یگنی نی تصدیق‌لب ایتیشیچه، پروان ده ساغیلق بولیمی نی تمویل قیلووچی مؤسسه‌لر آرقه‌لی حمایت یوقلیگی سبب، اولر نینگ خذمتلر ارائه قیلیشلری اوچ برابردن کوپراق کمه‌یگن.
جناب حق‌پال نینگ کوپه‌یتیریشیچه: «خذمتلر ارائه‌میز حاضر عادی شکلده دوامی بار، مؤسسه‌لر بیلن قرارداد قیلگنی‌میز پیتده، فعالیتی‌میز کوپه‌یگن ایدی. بیر آی‌ده قریب ۹۰۰ کسل نی ساحه‌دن کسل‌خانه و کسل‌خانه‌دن کسل‌خانه گه انتقال بیره‌ر ایدیک. اهالی کوپ تماس آله‌دی، بیراق فعالیتی‌میز کمه‌یگن. بیر آی‌ده ۲۰۰ کسل نی انتقال بیره‌میز. امبولانس نسایی-ولادی کسل‌لری، باله‌لر و عاجل وضعیت‌لر و یره‌لنگنلر اوچون دیر، بیراق اهالی کیچه تامان زنگ اوریب مزاحما قیله‌دی و جنازه‌میز نی انتقال بیرینگ دییدیلر.»
ایتیش کیره‌ک که، تیکین امبولانس خذمتلر گه یشاوچیلر نینگ فایده‌لنیشی، ولایت‌لردن قطاری‌ده کمه‌یگن و اوزاق قیشلاق‌لرده ایسه یشاوچیلر امبولانس گه قول تاپه آلمه‌یدیلر.
