پروان محلی مسئوللری، سه‌شنبه کونی، ۳ اسد، اوشبو ولایت نینگ دره‌ی غوربند اوچ تومنیده یوز بیرگن سوو تاشقینی عاقبتیده ییتتی کییش هلاک بولگنیدن خبر بیره‌دیلر.
پروان امنیه قوماندانی عزیزالله عمر، اوشبو خبرنی تصدیقلب سلام‌وطندار گه ایتیشیچه، دره‌ی غوربند اوچ تومنیده سوو تاشقینی یوز بیریشی باعث سیاهگرد تومنی چهارده بازاری منطقه‌سیده پروان_بامیان یولی ترافیک یوزی گه یاپیلگن ایدی، بیراق امنیه قوماندان‌لیگی و لوا کوچلری نینگ سعی‌وحرکتی طفیلی قیته دن آچیلگن.
بیزلرنینگ فیسبوک صحیفه‌میزگه باش اورینگ!
سلام‌وطندار بیلن صحبت اوتکزگن پروان ولایتی سیاهگرد تومنی اولسوالی غلام‌محمد جراح گه کوره، اوتگن کونی توش دن کیین ساعت ۱:۳۰ اطرافی ده، «قول‌لچ»، «بازار چهارده»، «فرنجل»، «مازانه» قیشلاق‌لری و سیاهگرد تومنی گه قره‌شلی بیرقطار قیشلاق‌لریده سوو تاشقینی یوز بیرگن.
جناب جراح نینگ کوپه‌یتیریشیچه، اوشبو سوو تاشقینی عاقبتیده عیاللر و باله‌لر شامل ییتتی کیشی هلاک بولگن.
عین‌حالده، پروان حاکمی سوزلاوچیسی سیدحکمت‌الله شمیم نینگ ایتیشیچه، دستلبکی معلومات‌لر اساسیده غوربندر دره‌سی سیاهگرد تومنی «قول‌لچ»، «بازار چهارده»، «فرنجل»، «کانه‌خیل خیشکی» قیشلاق‌لری و شینواری تومنی نینگ «درازگرد» و دهن خشکک قیشلاق‌لریده کوچلی سوو تاشقینی یوز بیریشی عاقبتیده ییتتی کیشی نینگ هلاک بولیشی گه قوشیمچه، ۲۷ یشش اوی، ۲۰ چاروه، ۵۷۰ جریب ایکینچیلیک ییر، ۱۵۰ کوپریک و ۳۶ کیلومترک فرعی سرک بوزیلگن.
بیزلرنینگ توییترده هم تعقیب قیلینگ!
باشقه تاماندن، محلی منبع‌لر نینگ ایتیشلریچه، شینواری تومنیده یوز بیرگن سوو تاشقینی عاقبتیده ۵۰ تخته سولر، بیر موتر سایکل، نیچه‌ته جنراتور و اونلب جریب ایکینچیلیک ییر بوزیلگن.
ایتیش کیره‌ک که، سونگی کون‌لرده مملکت نینگ بیر قطار منطقه‌لریده یوز بیرگن سوو تاشقینی عاقبتیده ۳۱ کیشی هلاک، ۷۴ کیشی یره‌لنیب و باشقه ۴۱ کیشی لادرک بولگن، شونینگدیک سوو تاشقینی طفیلی جانی تلفات گه علاوه، مینگلب جریب ایکینچیلیک ییر بوزیلیب و یوزلب چاروه تلف بولگن.