پروان محلی مسئوللری نینگ ایتیشلریچه، بو ییل مذکور ولایت‌ده اوزوم حاصلاتی اوتگن ییل گه قره‌گنده، ۱۰ فایز کوپه‌یگن.
پروان ایکینچیلیک، چاروه‌چیلیک و سووغاریش رئیسی محمد‌رحیم نعمانی نینگ سلام‌وطندار گه ایتیشیچه، جاری ییل مناسب آب‌وهوا، اوشبو ولایت نینگ تورلی بولیم‌لریده باغ‌لر نینگ توزه‌تیلیشی و باغ‌دارلیک رواجلنیشی سبب، اوزوم حاصلاتی کوپه‌یگن.
بیزلرنینگ فیسبوک صحیفه‌میزگه باش اورینگ!
نعمانی نینگ کوپه‌یتیریشیچه، پروان ایکینچیلیک ریاستی، تورلی بولیم‌لرده فنی ایشلاوچیلر همکارلیگی بیلن، محصول‌لری نینگ کوپه‌یشی و اقتصادی نقطه نظردن باغدارلر نینگ خودکفا بولیشی اوچون، باغ‌دارلیک ینگی اصول‌لری نی باغدارلر گه اورگتیش خصوصیده سعی و حرکت قیلماقده.
پروان ایکینچیلیک ریاستی مسئوللری نینگ ایشانچی گه کوره، طبیعی و اوسیم‌لیک‌لر آفتلری گه قرشی کوره‌ش اوچون باغدارلر گه ینگی سیستم‌لر نی تانیتیش بیلن، باغدارلر قیین‌چیلیگی نی حل قیله‌دیلر.
عین حالده، پروان ده باغ‌دارلردن قطاری، گرچند جاری ییل‌ده اوزوم حاصلاتی کوپه‌یگنی‌دن خورسند‌لیک بیلدیره‌دیلر؛ بیراق ایتیشلریچه، ستندرد ساووق‌خانه‌لر و محصول‌لری اوچون ساتیش بازار یوقلیگی، اولر نی خواطرلنتیریب و قیین‌چیلیک بیلن روپه‌ره قیلگن.
اولر نینگ کوپه‌یتیریشلریچه، طبیعی و اوسیم‌لر آفتلری نی کنترول قیلیش بولیمی‌ده، فنی ایشلاوچیلر یوق دیر.
بیزلرنینگ توییترده هم تعقیب قیلینگ!
پروان ده باغدارلر، اوشبو ولایت ایکینچیلیک ریاستی‌دن اولر نینگ قیین‌چیلیک‌لری گه جدی شکلده توجه قیلیب و محصول‌لری نینگ سقله‌نیشی اوچون، مذکور ولایت تومن‌لریده ستندرد ساووق‌خانه‌لر توزه‌تیلیشی نی ایسته‌یدیلر.
بوندن آلدین پروان ده باغ‌دارلردن قطاری، باغ‌دارلیک زمانه‌وی اصول‌لر بیلن تانیش ایمس‌لیک‌لریدن شکایت قیلیب ایتیشلریچه، ایشلری نینگ آلغه کیتیشی اوچون سنتی اصول‌لردن قوللنیش گه مجبورلر.
