پروان و کاپیسا ولایتلریده باغدارلردن قطاری، کوچت ساتووچیلر آرقهلی میوهسیز کوچتلر ساتیلیشی اولرنینگ پوللری بیجای صرفلنیشی و ییرلریدن کوپینچه بولیمینینگ میوهسیز کوچتلر بیلن تولیشینی بیان قیلگنلر.
مذکور ولایتلردهگی دهقانلردن علاءالدین یوسفی و گلپادشاه جلیلینینگ ایتیشلریچه، سرکلر چیکهسیده اصلاح بولگن کوچت اسمی آستیده صفتسیز و میوهسیز کوچتلر ساتیلیشی، باغدارلرگه زیان ییتیشتیرگن.
بیزلرنینگ «ایکس» ترماغی ده هم تعقیب قیلینگ!
علاءالدین یوسفینینگ کوپهیتیریشیچه: «تجربهلی بولمهگنلر میوهلی کوچت دیب میوهسیز کوچتنی ساتیب آلهدیلر که پوللری مصرف بولهدی و شونینگدیک ییرلری نیچه ییر بند بولیب قالهدی. کوچت ساتیب آلیشلری چاغیده کوپ دقت قیلیشلری کیرهک.»
شونینگدیک گلپادشاه جلیلینینگ کوپهیتیریشیچه: «ایکینچیلیک مسئوللریدن سرکلر چیکهسیده ساتیلهدیگن میوهسیز و صفتسیز کوچتلر ساتیلیشی آلدی آلینیشینی ایستهیمیز.»
باشقه بیر تاماندن، سرکلر چیکهسیده کوچت ساتووچیلردن قطاری، کوچتلرنینگ میوهسیز و صفتسیزلیگی توغریسیدهگی ادعالرنی رد قیلهدیلر.
مذکور کوچت ساتووچیلردن بیری احمد مالکنینگ ایتیشیچه: «آلمه، زردآلو و شفتالو کوچتلرینی فرزه، شکردره، گلدره و کوهستان دن آلیب کیلهمیز. هر نرسهده هم یخشی و یامانی بار. بو ایش آتهدن قالگن بیزگه.»
شوندهی بیرحالده، ایکینچیلیک بیلیم یورتی استادی و باغدارلیک بوییچه ایش بیلرمان احمدزبیر قاضیزاده، سرکلر چیکهسیده ساتیلهدیگن کوچتلرنی ساتیب آلمهی و اونینگ اورنیده تصدیقلنگن قوریهلردن کوچت ساتیب آلیشلرینی ایستهگن.
اونینگ کوپهیتیریشیچه: «باغدارلر صفتلی و تصدیقلنگن کوچتلرنی قوریهدارلردن آلیشلری کیرهک. سرکلر یانیده ساتیلهدیگن کوچتلرنینگ درست بولیب و بولمهگنی بیللی ایمس. محیط شرایطینی نظرگه آلیش کیرهک. بیر کوچتنینگ باشده پیوند بولهدیگن بولسه، اوروغدن قولگه کیلگن بولسه، درست اوزونلیگی بولسه و شاخچهلرینینگ قیرقیلیشی جایی بولسه. ریشهلرینینگ کوپ آز و زیان کورگن بولمسه.»
بیزلرنینگ فیسبوک صحیفهمیزگه باش اورینگ!
پروان ایکینچیلیک، سووغاریش و چاروهچیلیک ریاستی ایکینچیلیک ایشلری بوییچه آمری نیازمحمد تایب، تصدیقلنمهگن و صفتسیز کوچتلر ساتیلیشی توغریسیده هیچ نرسه دیمهی و ایتیشیچه، مذکور اداره باغدارلیک وضعیتی یخشیلنیشی اوچون کیرهکلی اقداملرنی آلهدی. «پروان ولایتیدهگی برچه قوریهدارلرنینگ قانونی جوازی بار. دهقانلرگه توصیه قیلهمیز که ایکینچیلیک ایشلاوچیلری و ایکینچیلیک متخصصلری نظری آستیده آزاد بازارلردن کوچت ساتیب آلسینلر. متخلف کیشیلر کوریلگنی صورتده، اولر بیلن قانونی یاندهشیلیشی ممکن.»
پروان و کاپیسا، یشاوچیلریدن کوپ قطاری باغدارلیک بیلن شغللنیب و بو یول آرقهلی حیات خرهجتلرینی تامین قیلهدیگن ولایتلردن دیر. بو ولایتلرده صفتلی کوچتلر تنلهنیشی توغریسیده آز آگاهیلیک، تکثیری قوریهلر آزلیگی و اقتصادی قیینچیلیکلر، باغدارلردن قطاری نینگ کمراق ثمر بیرووچی کوچتلرنی ساتیب آلیشلریگه سبب بولگن.
