پنجشیر معلومات و مدنیت ریاستی مسئوللری، بوگون (سه‌شنبه، ۹ جوزا) «خلق‌ارا کتاب هفته‌سی» مناسبتی بیلن اوشبو ولایت مرکزی بازارک شهری «منار شهدا» چوکی ده، فرهنگی‌لر یاردمی بیلن یول بویی کتاب کورگزمه‌سینی یولگه قویگنلر.
یول بویی کتاب کورگزمه‌سیده اشتراک ایتگن پنجشیر حاکمی اورین باسری شاه‌ملنگ روح‌الله، کتاب اوقیش فرهنگینی نهادینه قیلیش اوچون بو گَل کورگزمه‌لر یولگه قوییلیشینی مهم دیب، مذکور برنامه‌لر کیله‌جک ده تومن‌لر بویلب یولگه قوییلیشی مقصدیده سعی‌وحرکت قیلیش‌لریدن ایشانچ بیرگن.
بیزلرنینگ فیسبوک صحیفه‌میزگه باش اورینگ!
شونینگدیک، سلام‌وطندار بیلن صحبت اوتکزگن پنجشیر معلومات و مدنیت باشلیغی نصرالله ملک‌زاده گه کوره، جمعیت ده کتاب اوقیش فرهنگینی نهادینه قیلیش و یشاوچیلرنی مطالعه گه ترغیب قیلیش اوچون بو کبی برنامه‌لر یولگه قوییلیشی مهم دیر.
پنجشیر معلومات و مدنیت باشلیغی نینگ کوپه‌یتیریشیچه، مذکور کتاب کورگزمه‌سی خلق‌ارا کتاب کونی مناسبتی گه حرمت قیلیش مقصدیده یولگه قوییلگن. جناب ملک‌زاده گه کوره، اوشبو ایکی کون‌لیک کورگزمه ده تورت مینگ کتاب نمایش گه قوییلگن.
اسلام امیرلیگی اوز ریجه‌سی اساسیده زمانه‌وی تعلیم ترقیاتی اوچون متعهد دیر و بو گَل فرهنگی برنامه‌لردن حمایت قیلیشینی معلوم قیلدی، پنجشیر معلومات و مدنیت باشلیغی نصرالله ملک‌زاده.
بیزلرنینگ توییترده هم تعقیب قیلینگ!
شونینگدیک، یول بویی کتاب کورگزمه‌سیده اشتراک ایتگنلر مذکور برنامه‌نی خوش قرشی‌لب، کتاب اوقیش و مطالعه قیلیش فرهنگی رواجلنیشی اوچون بو کبی کورگزمه‌لر یولگه قوییلیشینی ایجابی دیه بهاله‌گنلر.
پنجشیر ده مذکور کورگزمه عین‌حالده یولگه قوییلماقده که، سونگی کون‌لرده پایتخت کابل شامل باشقه ولایت‌لرده یاش ییگیت‌لر آره‌سیده مطالعه قیلیش فرهنگی سیزیلرلی درجه ده کمه‌یگن.
