کابل نینگ شمال‌غربی‌ده جایشلگن پنجشیر، تاغلی ولایت‌لردن بیری دیر که یشاوچیلریدن کوپ قطاری آغیر ایشلر بیلن شغللنگنلری سبب، اوشبو ولایت یشاوچیلریدن کوپینچه‌سی اورته یاش‌ده تورلی‌خیل کسل‌لیکلر جمله‌دن بیل کسل‌لیکلری «دیسک کمر» گه چلینه‌دیلر.
بیل آغریق کسل‌لیگی گه چلینیب و درمان اوچون پروان مرکزی چاریکار شهری گه بارگن پنجشیر ولایتی شُتُل تومنی یشاوچیسی بولمیش ۵۲ یاشر ریزه‌گل نینگ سلام‌وطندار گه ایتیشیچه: «بیلیم آغریدی، بیلیم نینگ سویکلری یقین‌لشگن، ایاغیم آغریدی، بی‌حس بوله‌دی. شفاکار گه کیتدیم، بیلینگ نی سویکلری یقین بولگن دیدیلر. دولت‌دن پنجشیر ده کلینیک توزه‌تیلیب، شفاکارلر آرقه‌لی اهالی نینگ رایگان شکلده درمان‌لنیشی نی ایسته‌یمیز. اهالی بی‌چاره و شخصی کسل‌خانه‌لر گه باریش اوچون پولی یوق. بیل آغریق کسل‌لیگی گه چلینگنلردن تیزلیککه شفاکار گه مراجعت قیلیشلری نی ایسته‌یمن.»
بیل آغریققه چلینگن عیال‌لردن باشقه بیری پنجشیر یشاوچیسی بولمیش شهلا گه کوره، قیین‌چیلیگی اوچون شفاکار گه مراجعت قیلگن و شفاکار مکمل شکلده درمان‌لنیشی نینگ زمان گه نیازی بولگنی و آغیر نرسه‌لر نینگ کوتارمه‌سلیگی نی ایتگن دیر. «کوپینچه پیتدن بیری آیاغیم آغریدی و دارو آلگن‌مین. ایاغیم نینگ یخشی بولیشی اوچون مرهم و کریم هم قوللنه‌من و کوپ پیچ‌کاری هم قیلدیم، بیراق یخشی بولمه‌دی. شفاکار معاینه قیلدی و بیلینگ نی مهره‌لری یقین‌لشگن دیدی. ایش-میش‌دن قالدیم. پنجشیر ده سویک شفاکاری یوق، انه شوو سبب اهای کوپینچه قیین‌چیلیک بیلن روپه‌ره دیر. حکومت‌دن پنجشیر ایمرجنسی کسل‌خانه‌سیده سویک بولیمی نینگ فعال بولیشی نی ایسته‌یمیز.»
آغیر نرسه‌لر نینگ کوتاریش، سمیزلیک و ییقیلماق دیسک کمر کسل‌لیگی نینگ عامللریدن دیر؛ بیراق شفاکارلر «ویتامین دی» نینگ کم‌لیگی و سویک نینگ پوکلیگی نی یشاوچیلر نینگ دیسک کمر کسل‌لیگی گه چلینیش اصلی عامللریدن دییگنلر.
مذکور کسل‌لیک خصوصیده سویک بولیمی متخصصی عبدالخلیل حیدری نینگ ایتیشیچه: «ایرککلر گه قره‌گنده عیال‌لر آره‌سیده بیل آغریق کسل‌لیگی کوپ دیر. عیال‌لردن کوپینچه‌سی اوی‌ده بوله‌دی و قویاش نوری نینگ آز ییتیشیشی و ویتامین دی نینگ کم‌لیگی، عیال‌لر آره‌سیده سویک قیین‌چیلیککه سبب بوله‌دی. ایرتنگ چاغی اویقودن توریش هم قیین بوله‌دی.»
شونده‌ی بیرحالده، پنجشیر ساغلیق‌نی سقلش ریاستی اورین‌باسری خواجه‌آقا غفوری نینگ سلام‌وطندار گه اوشبو ولایت‌ده بیل آغریق کسل‌لیکلر گه چلینگنلر سانی کوپه‌یگنی نی تصدیق‌لب ایتیشیچه، مذکور کسل‌لردن کوپینچه‌سی نی عیال‌لر تشکیل بیره‌دی. اونینگ کوپه‌یتیریشیچه، اولر اوشبو کسل‌لیک نینگ درمانلش اوچون متخصص و طبی اوسکونه‌لری یوق دیر.
اونگه کوره: «پنجشیر ده بیل آغریق کسل‌لیگی کوپه‌یگن. کسللر ۵۵-۶۰ آره‌سیده بولیب و اولردن کوپینچه‌سی نینگ عیال‌لر تشکیل بیره‌دی. ولایتی کسل‌خانه‌میز یوق، پنجشیر بویلب اعصاب جراحی و ارتوپدی متخصصی یوق. کسللر نینگ درست درمان‌لنیشلری اوچون یخشی‌راق مرکز گه یوباریش خصوصیده سعی و حرکت قیله‌میز.»
سویک بولیمی متخصصلری نینگ ایشانچی گه کوره، دیسک کمر بعضا عصبی رشته‌لر گه فشار کیلتیرگنی سبب، کسل نینگ تشخیص بولیب و وقتی‌ده درمان لنمه‌گنی صورت‌ده، مکمل شکلده فلج بولیشی ممکن.