پکتیا ده سوداگرلردن قطاری نینگ ایتیشلریچه، اوشبو ولایت مرکزی گردیز شهریدن دیورند چیزیغی یقین‌لیگی‌ده جایلشگن دندپتان تومنی گه باجخانه انتقال بیریلیشی، اولر نینگ کوپینچه قیین‌چیلیک جمله‌دن بانکی خذمت‌لر و انبار یوقلیگی بیلن روپه‌ره قیلگن. پکتیا ده سوداگرلر نینگ کوپه‌یتیریشلریچه، گردیز دن مذکور باجخانه نینگ انتقال بیریلیشی، اولر نینگ ایشلری پروسه‌سی نی قیین‌چیلیککه دوچ قیله‌دی.
پکتیا ده سوداگرلردن محبوب‌الله نینگ ایتیشیچه: «بو اداره‌دن بیر حجت، قیین‌چیلیک سبب قیته‌ریلسه، حجت‌لری نینگ تنظیم قیلیش و مرکز گه ییتیشیش اوچون هیداوچی، کمیشن‌کار، شرکت یا-ده سوداگر، ایکی یا-ده اوچ ساعت یول یوریدیله‌دی. بو وقت نی ضایع قیلیش دیر و مرکز ده صورت تاپه‌دیگن اقتصادی فعالیت‌لر، اطراف گه انتقال بیریله‌دی. دندپتان گه باجخانه انتقال بیریلیشی، منفعتی‌میز گه ایمس و شونینگدیک اقتصاد و مملکت کیله‌جگی اوچون فایده‌لی ایمس.»
بیزلرنینگ فیسبوک صحیفه‌میزگه باش اورینگ!
شونینگدیک پکتیا ده سوداگرلر خواطر بیلدیریب ایتیشلریچه، دیورند چیزیغی‌ده، کوپینچه پیت افغانستان و پاکستان تامان‌لری آره‌سیده آتیشمه‌لر یوز بیره‌دی و اولر گه کوره، سوداگرلر و تجارتی توارلر گه زیان ییتیشه‌دی.
سوداگرلر اسلام امیر‌لیگی‌دن، ایشلری خصوصیده آسایشته‌لیک ایجاد بولیشی اوچون، باجخانه ریاستی نینگ گردیز شهری گه قیته‌ریلیشی نی ایسته‌گنلر.
شو بیلن بیرگه، دندپتان تومنی‌ده باجخانه ریاستی مسئوللری نینگ ایتیشلریچه، قریب بیر آی آلدین مالیه وزیرلیگی بویروغی اساسیده، باجخانه نی گردیز شهریدن «خرلاسی دروازه‌‌سی» گه انتقال بیرگنلر.
بیزلرنینگ «ایکس» ترماغی ده هم تعقیب قیلینگ!
شونینگدیک پکتیا باجخانه رئیسی فضل‌الحق منیب، سوداگرلر قیین‌چیلیگی نی تصدیق‌لب ایتیشیچه، سوداگرلر ایشلری خصوصیده آسایشته‌لیک ایجاد بولیشی مقصد، باجخانه نینگ انتقال بیریلیش قراری قبول قیلینگن و کیله‌سی نیچه کون‌گچه، انبار و بانک شعبه‌سی او ییرده فعال بولیشی ممکن. اونگه کوره، اونملی قیین‌چیلیک‌لردن بیری گردیز شهری‌ده باجخانه ییری نینگ کیچیک بولگنی ایدی؛ بیراق دندپتان ده باجخانه‌لر ریاستی اختیاری‌ده کینگ جای قرار تاپیب و کوپینچه موتر سیغه‌دی.
پکتیا باجخانه رئیسی نینگ کوپه‌‌یتیریشیچه: «صادرات نینگ کوپه‌یگنی سبب، سوداگرلر نینگ راحت بولیشی اوچون باجخانه نی دندپتان گه انتقال بیرگن‌میز. بو ییرده قیین‌چیلیک‌لردن کوپینچه‌سی حل بولگن. قیین‌چیلیک موجود ایمس؛ لیکن آسایشته‌لیک‌لر کوپ دیر. ان‌شاءالله یقین کیله‌جک‌ده بانک‌لر شعبه‌سی هم آچیله‌دی و ایشلاوچیلریمیز هم ایشلماقده دیر.»
پکتیا ده سوداگرلر باجخانه ریاستی مسئوللریدن، تجارتی توارلر نینگ انتقال بیریلیشی خصوصیده‌گی موجود قیین‌چیلیک نینگ حل و سوداگرلیک ترقیاتی اوچون آسایشته‌لیک ایجاد قیلیش‌لری نی ایسته‌گنلر.