خبرچیلر اوزلری مملکت‌ده اقتصادی و باشقه قیین‌چیلیک‌لر بیلن روپه‌ره بولگنلری بیرحالده؛ بیراق پکتیکا محلی خبرچیلری نیازمند کیشی‌لر گه یاردم بیریش و ایش زمینه‌سی یره‌تیلیشی اوچون «خبریال» آتیده خیریه بیر مؤسسه ایجاد قیلگنلر.
مذکور خیریه مؤسسه نیازمند کیشی‌لر گه یاردم بیریش یانیده، شونینگدیک اولر گه کیچیک تجارت زمینه‌سی نی ایجاد قیله‌دی.
مذکور خیریه مؤسسه باشلیغی عبدالباری نعیمی نینگ ایتیشیچه، قریب ایکی ییل آلدین اوشبو ولایت خبرچیلری، مذکور مؤسسه نی خبر و باشقه برنامه‌لر نینگ تیارلش و اوزاق منطقه‌لر گه کیتیب و قشاق عایله‌لر و اهالی قیین‌چیلیگی نی کوریش اوچون ایجاد قیلگنلر؛ انه شوو سبب، بو کبی مؤسسه نی ایجاد قیلیش گه قرار آلگنلر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «پکتیکا اوزاق منطقه یشاوچیلری نینگ روپه‌ره بولگنلری قشاق‌لیک نی، باشقه‌لردن یخشی‌راق خبرچیلر مذکور وضعیت نی درک قیله آله‌دیلر. برچه خبرچیلر، اهالی نینگ یامان وضعیتی‌دن ویدیویی گزارش تیارلب و اونینگ ترقه‌تیش اوچون بو کبی نهاد نینگ توزه‌تیلیشی قرار آلدیک. اولر گه یاردم بیریش نی ایسته‌گنلر، بو نهاد نینگ ایجاد بولیشی قشاق کیشی‌لر گه یاردم بیریلیش اوچون قوله‌ی بیر یول دیر. یاردم بیرووچیلر قشاق‌لر گه بو یول آرقه‌لی آزیق-آوقات و نقد پول یاردم بیریب یا-ده کیچیک تجارت زمینه‌سی نی یره‌تیشلری ممکن.»
جمال‌خان، «خبریال» خیریه مؤسسه‌سی آرقه‌لی کیچیک تجارت زمینه‌سی ایجاد بولگن کیشیلردن دیر. ناگران تورموش اورتاغ و ایکی باله گه ایگه بولگن جمال‌خان نینگ سلام‌وطندار گه ایتیشیچه، کیچیک فرزندی قشاق‌لیک سبب، شهر گه باریب بوت بویه‌ش گه مجبور دیر؛ بیراق حاضر ایسه اوشبو نهاد پکتیکا مرکزی شرن شهری‌ده اونگه باش پناه بیرگن و نیازلری نی تامین‌لش اوچون بیر غرفه هم بیرگنلر.
اونینگ کوپه‌یتیریشیچه، کونده اورته شکلده ۱۰۰افغانی‌دن آرتیق درآمدی بار و او بیلن حیات خره‌جتی نی تامین قیله‌دی. جمال‌خان نینگ ایتیشیچه: «بوندن آلدین عایله‌م کوپینچه قیین‌چیلیک‌لر بیلن روپه‌ره ایدی. بو کیشی‌لر مینگه کوپ یاردم بیردیلر. اوشبو اوی مذکور نهاد آرقه‌لی توزه‌تیلدی، شونینگدیک اوشبو غرفه هم مذکور نهاد آرقه‌لی توزه‌تیلدی. اولر مینگه یاردم بیردیلر. حاضر ایسه باله‌لریم نینگ رزق و روزی‌سی نی قولگه کیلتیره آله‌من. کونده ۱۰۰ افغانی درآمدیم بار و اولر گه دعا قیله‌من.»
شونینگدیک اوشبو خیریه مؤسسه‌سی نینگ یاردمی‌دن آلدین یامان اقتصادی قیین‌چیلیک بیلن روپه‌ره بولگن عبدالمجید نینگ ایتیشیچه، کوپینچه مسافرت‌لردن کیین، مملکت گه قیتیب و کوپینچه اقتصادی قیین‌چیلیک‌لر بیلن روپه‌ره ایکن؛ بیراق «خبریال» خیریه مؤسسه‌سی شرن شهری‌ده کیچیک بیر دکان توزه‌تگن و اوشبو یول آرقه‌لی ایسه عایله جره‌جتی نی قولگه کیلتیره‌دی.
اونینگ کوپه‌یتیریشیچه: «کوپینچه وقت مسافرت قیلدیم، بو ییرده کوپینچه قیین‌چیلیک بیلن روپه‌ره بولدیم؛ بیراق حاضر ایسه خبریال خیریه مؤسسه‌سی کوپینچه یاردم بیردی. بوگون بو ییرده اولتیریب و باله‌لریم نینگ نفقه‌سی نی قولگه کیلتیره‌من. بو کیشی‌لر نینگ همکارلیگی اوچون دیر. خبریال خیریه مؤسسه‌سی کوپینچه یاردم بیردی و حاضر ایسه بو یول آرقه‌لی عایله نیازلریم نی تامین قیله‌من.»
بیزلرنینگ توییترده هم تعقیب قیلینگ!
پکتیکا معلومات و مدنیت ریاستی مسئوللری، خبرچیلر نینگ بو اقدامی‌دن خورسند‌لیک بیلدیرگنلر. پکتیکا معلومات و مدنیت باشلیغی محمد‌امین حذیفه، باشقه یشاوچیلر و اهالی‌دن نیازمند کیشی‌لر گه یاردم بیریش اوچون همکارلیک قیلیشلری نی ایسته‌گن.
اونینگ ایتیشیچه: «خبریال خیریه مؤسسه‌سی نینگ ایجاد بولگنی جوده‌یم یخشی ایش دیر و خورسند‌لیک بیلدیره‌من. خبرچیلر و اهالی نینگ پکتیکا ولایتی‌دن حمایت قیلیشلری نی کوتیب تورگن‌میز. اولردن منت‌دارلیک بیلدیره‌میز.»
«خبریال» خیریه مؤسسه مسئوللری نینگ کوپه‌یتیریشلریچه، حاضرگچه اوشبو نهاد گه ۱۸ میلیون افغانی تورلی‌خیل یاردم‌لر بیریلگن و اولر اوشبو یاردم‌لر نی نیازمند و قشاق عایله‌لر گه ترقه‌تیب یا-ده اولر گه ایش زمینه‌سی نی یره‌تگنلر.