پکتیکا تومنلریدن قطاری‌ده‌گی یشاوچیلر نینگ سلام‌وطندار گه ایتیشلریچه، حیات کیچیره‌دیگنلری محل‌دن الکترونیکی کیم‌لیک ترقه‌تیله‌دیگن مرکزلر اوزاق‌لیگی و کم‌لیگی سبب، قوله‌ی بیر شکلده کیم‌لیک آلالمه‌یدیلر.
مذکور پکتیکا یشاوچیلری، حکومتی مسئوللردن هر بیر نیچه تومن گه الکترونیکی کیم‌لیک ترقه‌تیله‌دیگن بیر مرکز نینگ ایجاد بولیشی نی ایسته‌گنلر.
بیزلرنینگ فیسبوک صحیفه‌میزگه باش اورینگ!
پکتیکا ولایتی شرن شهری گه عایله‌سی بیلن الکترونیکی کیم‌لیک آلیش اوچون کیلگن یحیا‌خیل تومنی یشاوچیسی بولمیش عالم‌‌خان نینگ ایتیشیچه، ولایت مرکزی‌دن اوزاق‌لیگی و کیلیب-کیتیش خره‌جتی یوقاریلیگی سبب، اهالی الکترونیکی کیم‌لیک آلیش اوچون کوپینچه قیین‌چیلیک بیلن روپه‌ره بولگن.
پکتیکا ولایتی گیان تومنی یشاوچیسی بلال نینگ ایتیشیچه، اوشبو ولایت مرکزی‌گچه یول نینگ اوزاق‌لیگی سبب، الکترونیکی کیم‌لیک آلیش اوچون قیین‌چیلیک بیلن روپه‌ره بولگن. «گیان تومنی‌دن ولایت مرکزی شرن شهری‌گچه، تورت-بیش ساعت فاصله بار، موتر کرایه‌سی کوپ بوله‌دی، اهالی‌دن کوپ قطاری کمبغل دیر. برچه اهالی پول‌دار ایمس.»
شونده‌ی بیرحالده، پکتیکا احصائیه و معلومات باشلیغی فیض‌محمد صمیم نینگ ایتیشیچه، اوشبو ولایت‌ده الکترونیکی کیم‌لیک ترقه‌تیله‌دیگن یالغیز ایکی مرکز بار.
بیزلرنینگ «ایکس» ترماغی ده هم تعقیب قیلینگ!
پکتیا احصائیه و معلومات باشلیغی گه کوره، بو وضعیت مذکور ولایت تومن‌لری یشاوچیلری نینگ الکترونیکی کیم‌لیک آلیشلری اوچون قیین‌چیلیک بیلن روپه‌ره بولیشلری گه سبب بولگن.
پکتیکا احصائیه و معلومات ریاستی نینگ معلوماتی اساسیده، اوتگن ایکی ییل‌ده کمیده ۱۰۰ مینگ الکترونیکی کیم‌لیک مذکور ولایت یشاوچیلریگه ترقه‌تیلگن.
