پکتیا مرکزی گردیز شهری و اوشبو ولایت نینگ ۱۳ تومنی‌ده ۱۸ مکتب قوریلیش ایشی جاپان نینگ مالی یاردمی و بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف) همکارلیگی بیلن باشلنگن.
پکتیا معارف باشلیغی عبدالقیوم فاروق نینگ ایتیشیچه، اوشبو مکتب‌لر نینگ قوریلیش ایشی ۲۲۵ میلیون افغانی خره‌جت کوتاره‌دی.
بیزلرنینگ «ایکس» ترماغی ده هم تعقیب قیلینگ!
پکتیا معارف باشلیغی گه کوره، حاضر مذکور ولایت‌ده‌گی مکتب‌لردن ۶۰ فایزی بناسیز دیر و اوقووچیلر تعلیم کوریش چاغیده کوپینچه قیین‌چیلیک‌لر بیلن روپه‌ره‌لر.
گردیز شهری یشاوچیسی حسین نینگ ایتیشیچه، پکتیا مکتب‌لری نینگ بناسیزلیگی سبب، اوقووچیلر بوش اوی‌لرده تعلیم کورماقده.
او پکتیا معارف ریاستی‌دن مکتب‌لر گه تعمیر قوریلیشی یانیده، مسلکی اوقیتووچیلر نینگ استخدام بولیشی و اوقووچیلر اختیاری گه درسی کتاب‌لر نینگ مکمل شکلده قرار بیریلیشینی ایسته‌گن.
بیزلرنینگ فیسبوک صحیفه‌میزگه باش اورینگ!
شونینگدیک پکتیا یشاوچیسی‌دن باشقه بیری عابدالله نینگ ایتیشیچه، حیات کیچیره‌دیگنلری محل‌ده مکتب‌لر نینگ بناسیزلیگی سبب، یامغیرلی و بورانلی هوا‌ده اوقووچیلر و اوقیتووچیلر آچیق هوا‌ده قاله‌دیلر.
پکتیا معارف ریاستی نینگ معلوماتی اساسیده، اوشبو ولایت‌ده ۳۷۰ دولتی مکتب نینگ فعالیتی بار که بو آره‌ده، ۱۸۳ مکتب بناسیز دیر و شونینگدیک باشقه بیر قطار مکتب‌لر بناسی نینگ قیته قوریلیش گه نیازی بار.
