افغانستان اوچون پاکستان‌نینگ مخصوص وکیلی محمد صادق، کابل گه قیلگن سفری اوچینچی کونیده، پاکستان و افغانستان‌نینگ اقتصادی منفعتی بیر-بیریگه باغلیق‌لیگینی معلوم قیلگن.
کابل‌ده پاکستان ایلچیخانه‌سی، ۳-حمل، یک‌‌شنبه کونی ترقه‌تگن بیانیه‌سیده محمد صادق‌دن نقل قیلیب یازیشیچه، افغانستان‌ده صلح و ترقیات منطقه ثباتی اوچون ضروری دیر.
بیزلرنینگ فیسبوک صحیفه‌میزگه باش اورینگ!
افغانستان اوچون پاکستان‌نینگ مخصوص وکیلی، بو سۉزلرنی اوتگن کون کابل‌ده پاکستان ایلچیخانه‌سیده مملکتی بیرقینی کوتاریش پیتیده بیان قیلگن.
اونینگ کوپه‌یتیریشیچه: «پاکستان و افغانستان منطقه اقتصادی تېکلنیشی اوچون بیرگه سعی-حرکت قیلیشی کېره‌ک. افغانستان پاکستان‌نینگ منطقه‌ده‌گی مهم شیریک‌لریدن بیری دیر و ایکّیله مملکت قۉشمه همکارلیک بیلن ایکّی تامانلمه سودا آلیش-بیریش‌نی کوچه‌یتیریب و منطقه‌ای علاقه‌لرنی مستحکم‌لش‌لری درکار.»
افغانستان اوچون پاکستان‌نینگ مخصوص وکیلی ۱-حمل، جمعه کونی بیر هیئت باشچیلیگی‌ده کابل گه تشریف بویریب و اسلام امیرلیگی تشقی ایشلر وزیرلیگی سرپرستی امیرخان متقی و صناعت و سودا وزیرلیگی سرپرستی نورالدین عزیزی بیلن علیحده اوچره‌شگن.
بیزلرنینگ «ایکس» ترماغی ده هم تعقیب قیلینگ!
معلومات‌لر اساسیده، بو محمد صادق‌نینگ کابل گه کمیده سۉنگی اوچ آی ایچیده ایکّینچی سفر دیر. محمد صادق، بوندن اول قویاش ۱۴۰۳-ییل، ۴-جدی، کابل گه کېلیب و اسلام امیرلیگی رسمی‌لری بیلن اوچره‌شووده چېگره تارتیشووی و ایکّی مملکت اورته‌سیده‌گی قیینچیلیک‌لر حل اېتیلیشی تأکید اېتگن اېدی.
