پاکستان‌نینگ افغانستان‌لیک قاچقینلر ایشلری بوییچه یوقاری مرتبه‌لی کمیساری محمدعباس خان، اسلام‌آبادده اۉتکزیلگن ییغیلیش‌ده اوچینچی مملکتلرده افغانستان‌لیک قاچقینلرنینگ قیینچیلیک‌لری حل اېتیلیشی، اولرنینگ افغانستان گه اۉز اختیاری بیلن قیتیشی و غرب مملکتلری تامانیدن اولرنینگ قبول قیلیش میزانی آشیریلیشی اوچون، بو مملکت پایتختی‌ده خلق‌ارا ییغیلیش اۉتکزیلیشنی سوره‌گن.
دان کونده‌لیگی‌نینگ معلوماتی اساسیده، پاکستان‌نینگ افغانستان‌لیک قاچقینلر ایشلری بوییچه کمیساری، بو ییغیلیش اساسی مقصدی، غرب مملکتلری‌نینگ قاچقینلرنی قبول قیلیش اوچون سهمیه‌لرینی آشیریش و اولرنی قبول قیلیش جریانینی تېزلشتیریش گه ترغیب قیلیش، بولیشی کېره‌ک دیگن.
بیزلرنینگ فیسبوک صحیفه‌میزگه باش اورینگ!
پاکستان‌نینگ افغانستان‌لیک قاچقینلر ایشلری بوییچه کمیساری صحبت‌لریدن بیر بولیمی، دان کونده‌لیگی گه ترقه‌لگن کېلیشیچه: «بو کنفرانس اساسی مقصدی، غرب مملکتلری‌نینگ قاچقینلرنی قبول قیلیش اوچون سهمیه‌لرینی آشیریش و اولرنی قبول قیلیش جریانینی تېزلشتیریش گه ترغیب قیلیش، بولیشی کېره‌ک؛ تیزلیکده اوچ تامانلمه ییغیلیش اسلام امیرلیگی و بیرلشگن ملتلر تشکیلاتی‌نینگ قاچقینلر عالی کمیساری بیلن، افغانستان‌لیک قاچقینلرنینگ قیینچیلیک مسئله‌سینی بحث گه آلیش کنفرانس اۉتکزیله‌دی.»
عباس‌خان‌نینگ کوپه‌یتیریشیچه، غرب مملکتلریده باش‌پنه تاپیش اوچون پاکستان‌ده بیرلشگن ملتلر تشکیلاتی‌نینگ قاچقینلر عالی کمیساری‌ده ثبت بولگن افغانستان‌لیک ۶۰۰ مینگ متقاضی‌دن، یالغیز اولرنینگ سکیز مینگ نفری حاضرگه قدر ایکّینچی مملکت گه انتقال بیریلگن.
اونگه کوره، مملکت گه قیتگن قاچقینلرنی جذب قیلیش اوچون افغانستان‌‌نینگ امکانیتی آز و قیین مسئله‌دیر.
بیزلرنینگ «ایکس» ترماغی ده هم تعقیب قیلینگ!
پاکستان‌ده اوچ ییلدن بیری باش‌پنه تاپیش حجت‌لرینی آلغه آلیب باره‌یاتگن افغانستان‌لیک‌لردن بیرقطاری، پاکستان دولتی‌نینگ باسیملری اولرنی زیریکتیرگنینی اېته‌دیلر.
افغانستان‌لیک ایکّی قاچقین ظاهر بهاند و ایمل حبیبی‌نینگ ایتیشلریچه، قریب ایکّی ییلدن بیری پاکستان‌ده افغانستان‌لیک‌لر، ویزهلری مدتی اوزه‌یتیریلمسلیگی، جبردن چیقریلیش، حجت‌لرینی آلغه آلیب باریش سُست‌لیگی، ایشله‌ی آلمسلیک‌لری و بو مملکت‌ده باله‌لرینی مکتب و بیلیم یورت گه شامل قیله آلمسلیک قیینچیلگی بیلن دوچ دیر.
ظاهر بهاند گه کوره: «اساسی قیینچیلیک‌لری، حجت‌لری یوق‌لیگی و ویزهلری مدتی اوزه‌یتیریلمسلیگی، باله‌لری اوچون مکتب یوق‌لیگی و پولیس تامانیدن بیزاوته بولیش و حتا قانونی حجتی و ویزه‌سی بولگنلر قولگه آلیندیلر؛ اۉتگن بیر ییلده بو مملکت‌ده اۉزینی اولدیریش بیش واقعه یوز بیردی؛ باشقه مملکتلر گه آلیب باریش جریانی سُست‌لیگی یشاوچیلرنی زیریکتیرگن.»
ایمل حبیبی‌نینگ کوپه‌یتیریشیچه: «کونسه‌یین قیینچیلیگی‌میز آرتماقده و مملکتلر عمل قیله‌دیگن ایشلری گه عمل قیلمه‌گن و یشاوچیلر حاضر هم کوتماقده و بونگه قۉشیمچه یاشلر اوچون تحصیل قیلیش امکانیتی یوق و افغانستان‌لیک‌لرنینگ ویزه مدتی توگه‌گن.»
بوندن آلدین بیرلشگن ملتلر تشکیلاتی، حاضرگی کونده پاکستان‌ده افغانستان‌لیک ۱.۳ میلیون قاچقین «پی‌اوآر» کارت‌لری بیلن حیات کیچیریب کېلماقده و اۉتگن ییل میزان آیی‌دن حاضرگه قدر اوشبو مملکت‌دن افغانستان‌لیک قریب ۶۰۰ مینگ ناقانونی قاچقین چیقریلگن.
