هرات ده تاووق ییتیشتیریش فارم ایگهلریدن قطارینینگ ایتیشیچه، پاکستان چیگرهسی یاپیق قالگنی و قیش موسومی ییتیب کیلگنی بیلن بیرگه، کوپینچه قیینچیلیک بیلن روپهره بولگنلر.
مذکور فارم ایگهلریدن بیری محمد اکبری، جوجهلر قیمتی یوقاریلیگی و واکسین کملیگینی بیان قیلیب و ایتیشیچه، پاکستان دن واردات توختهتیلگنی بیلن، قیینچیلیکلری کوپهیگن. «قریب ۱۵ ته تاووق فارمیمیز بار و هر ییلی هر بیر فارمدن قریب ۲۰۰ مینگ جوجه آلهمیز. قیغو بیلن دارو مملکت ایچیده ایشلب چیقریلمهیدی و انه شوو سبب، واکسین و دارو توغریسیده بیر قطار قیینچیلیکلر بیلن روپهرهمیز.»
هرات ولایتی گلران تومنیده، تاووق ییتیشتیریش فارم ایگهلریدن بیری بسمالله سرورینینگ ایتیشیچه، هراتده صرفلنهدیگن جوجهلردن ۹۰ فایزی پاکستان دن کیلتیریلهدی و بو جریاننینگ توختهتیلیشی بازارنی انقراض بیلن روپهره قیلگن. «جوجهلر پاکستان دن کیلتیریلهدی؛ حاضر چیگره یاپیق قالگنی اوچون اونگه بدیل منبعمیز یوق. هرات ده ۱۰ فایز جوجه تولید بولهدی و ۹۰ فایزی ایسه پاکستان دن کیلتیریلهدی. بوندن آلدین ۲۰ افغانی بولگن جوجه حاضر ۸۰ افغانیگه ییتیشگن.»
هرات دهگی فارم ایگهلریدن باشقه بیری عبدالرحمان بارکزی، قیمت کوپهیگنی سببی توغریسیده شوندهی دیدی: «چیگرهلر یاپیق قالگنی و هرات گه جوجه کیلتیریلمهگنی اوچون، جوجهلر آز بولیب و ایستهک کوپهیگن که بو وضعیتده، قیمتلر یوقاری کیتهدی.»
شوندهی بیرحالده، هرات ایکینچیلیک ریاستینینگ قوشچیلیک مدیریتی، خصوصی فارملرنینگ واکسین، آذوقه و ایسیتووچی جهازلر توغریسیده دولت یاردمی و همکارلیگیدن فایدهلنه آلمسلیگینی تصدیقلهگن.
هرات ایکینچیلیک ریاستینینگ بلیق و قوشچیلیک بوییچه آمری فهیم فایزگه کوره: «فارم ایگهلریگه آذوقه ترقهتیلیشی و واکسین توغریسیده ریاست آرقهلی همکارلیک بولمهیدی، چونکه بو فارملر خصوصی شکلده فعالیت قیلهدی. قیشده سالوننی ایسیتیش و یاقیلغی مادهلر قیمتی یوقاری کیتیشی کبی قیینچیلیکلر سبب، فارملر آزراق فعالیت قیلیب و ایشلب چیقریش کمهیهدی.»
هرات ده تاووق ییتیشتیریش بیرلشمهسی مسئوللری، بو وضعیتنینگ مدیریت قیلیش بوییچه سعیوحرکت بولیشیدن خبر بیرگن. مذکور بیرلشمه اورینباسری حسین نظریگه کوره: «تاووق کمهیشی و جوجه کمهیشی هرات و باشقه ولایتدهگی فارم ایگهلری اوچون جدی بیر قیینچیلیککه اوزگرگن، بیراق بدیل یوللر نظرگه آلینگن و جوجه آچیش جریانی ایسه عادی حالتگه قیتماقده. بیر ایکی هفتهگچه وضعیتنینگ قیته عادی حالتگه قیتیشی ممکن.»
باشقه بیر تاماندن، هرات سودا و صناعت ریاستی، قیمتلرده اوزگریشنی طبیعی بیر نرسه دیگن. بو ریاست باشلیغی بشیرمحمد سیرتنینگ ایتیشیچه، حاضر اوزبیکستان و تورکیهدن واکسین و جوجه کیلتیریلهدی. «قیمتلرنینگ کمهیشی و کوپهیشی طبیعی بیر نرسه دیر. قیمتلر تغییر قیلیشی اصلی سببی، باشقه مملکتلر بیلن ینگی قرارلر بولیشی دیر. باشده قیمتلر یوقاری کیتهدی و بازارنینگ بیراز ثبات گه ییتیشیشی بیراز وقت آلهدی.»
مسئوللرگه کوره، حاضر هرات مرکزی و تومنلریده ۱ مینگ ۳۰۰ تاووق فارمینینگ فعالیت بار؛ بیراق فارم ایگهلرینینگ آگاهلنتیریشیچه، وارد بولیش، دارو تامینلنیش و مسئول نهادلر آرقهلی قوللب-قوتلش وضعیتی یخشیلنمهگنی صورتده، ییتیب کیلگن قیشده فعالیتلریده قیینچیلیک یرهتیلیشی ممکن.
