افغانستان اوچون بیرلشگن ملتلر تشکیلاتی انسان حقلری مخصوص گزارشگری ریچارد بنت، افغانستاننینگ بیر قطار بولیملریگه پاکستان آرقهلی اویوشتیریلگن هوا هجوملریگه اشاره قیلیب، تینچاهالینینگ سقلهنیشینی سورهگن.
بنت، اوتگن کون (۴-قوس، سهشنبه)، اکس صحیفهسیده یازیشیچه، خلقارا قانونلرنی رعایت قیلیش و تینچاهالی حیاتینی سقلش «جودهیم مهم» دیر.
او، شونینگدیک اسلام امیرلیگی و پاکستان دن مذاکره میزیگه قیته باریشلری و کیسکینلیکلر حلی اوچون زورهوانلیکدن فایدهلنمسلیکلرینی ایستهگن.
سهشنبه کونی ایرتهلب، پاکستان کنر، پکتیکا و خوست ولایتلرینینگ بیر قطار بولیملرینی بمباردمان قیلدی. اسلام امیرلیگی آرقهلی ترقهتیلگن معلومات اساسیده، بو هجوملرده ۱۰ کیشی «شهید» و تورت کیشی یرهلنگن.
اسلام امیرلیگی بو واقعه گه عکسالعمل بیلدیریب، مذکور هجومنی «جنایت» دیگن و «درست بیر وقتده» قیته جواب بیریلیشیدن آگاهلنتیرگن.
