پاکستان جنگری اوچاقلرینینگ کابل گه هجومی عاقبتیده ۴۰۰ کیشی شهید بولدی.
اسلام امیرلیگی سوزلاوچیسینینگ اورین باسری حمدالله فطرت ایکس صحیفهسیده بیر بیانیه ترقهتیب، پاکستان جنگری اوچاقلری ۲۵ حوت/۱۶ مارچ، دوشنبهدن سهشنبه گه اوتر کیچه ساعت ۹:۰۰ اطرافیده ۲۰۰۰ بسترلیک «امید» آتلی معتادلرنی دوالش مرکزینی بمباردمان قیلگنینی بیلدیردی.
بیانیه گه کوره، اوشبو هجومده ۴۰۰ کیشی اولیب و ۲۵۰ کیشی ایسه یرهلنگن.
شونینگدیک، بیانیهده مذکور کسلخانهنینگ بیر قسمی یوق بولگن و تلفات رقمی آشیشی ممکن دییلگن.
اجتماعی ترماقلرده ترقهلگن ویدیولر، واقعه جاییدن آلاو النگهسی کوریلهدی.
بوندن آلدین، اسلام امیرلیگی سوزلاوچیسی ذبیحالله مجاهد، پاکستان جنگری اوچاقلری ینه بیر مرته افغانستان حاکمیتی گه تجاوز قیلیب و پایتخت کابل شهریده معتادلرنی دوالش کسلخانهسینی نشانگه آلگن و اونینگ نتیجهسیده دوالنهیاتگن بیر قطار معتادلر «شهید» بولیب و یرهلنگنینی ایتگن ایدی.
