افغانستان ایکینیچلیک، سوغاریش و چاروه‌چیلیک وزیرلیگی بوگون (شنبه، ۴-قوس)، اوز ایکس صحیفه‌سیده، اوشبو وزیرلیک، اوزبیکستان ایکینچیلیک وزیرلیگی بیلن همکارلیک اوچ کیلیشوونامه امضاله‌گنیدن خبر بیرگن.
اوشبو همکارلیک کیلیشوونامه‌لر، اوزبیکستان پایتختی تاشکینت شهری ده افغانستان ایکینچیلیک، سوغاریش و چاروه‌چیلیک وزیرلیگی نینگ ایکینچیلیک و چاروه‌چیلیک ایشلری بوییچه معینی صدراعظم عثمانی و اوزبیکستان ایکینچیلیک وزیری جمشید خواجه‌یوف همده ایکی مملکت نینگ قطار رسمی‌لری حضوری بیلن امضالنگن.
بیزلرنینگ فیسبوک صحیفه‌میزگه باش اورینگ!
مذکور کیلیشوونامه‌لر اساسیده، اوزبیکستان افغانستان ده بیر مینگ ۶۰۰ هکتار ییرده تامچی شکلده سوغاریش سیستمی بیلن اوزوم باغ‌لری، پخته، بوغدای، قاوون و سبزه‌وات ایکیشی ممکن.
مملکت ایکینچیلیک وزیرلیگی نینگ کوپه‌یتیریشیچه، اوزبیکستان افغانستان ده ۱۰۰ هکتار ییر ده تورلی خیل باغ‌لر، ۵۰۰ هکتار ییر ده اصلاح بولگن بوغدای و پخته و ۵۰۰ هکتار ییر ده تورلی‌خیل سبزه‌وات و قاوون ایکیش ده، افغانستان ایکینچیلیک وزیرلیگی بیلن همکارلیک قیلیشی کوتیله‌دی.
بو باغ‌لر و ایکین‌لر، افغانستان ایکینچیلیک سکتوری نینگ ملَکه‌لی متخصص‌لری همکارلیگی ده اوزبیکستان نینگ تخنیکی و مالی یاردمی بیلن، افغانستان نینگ سوو، توپراق و اقلیمی مناسب بولگن ولایتلری ده بیر مینگ ۵۰۰ هکتار ییر ده ایکیلیشی ممکن.
بیزلرنینگ «ایکس» ترماغی ده هم تعقیب قیلینگ!
کیلیشونامه گه بناً، ایکی مملکت متخصص‌لری ایکینچیلیک، سوغاریش و چاروه‌چیلیک ایشلری بوییچه تجربه‌لرینی بیر_بیری بیلن شریک قیلیشی ممکن.
ایتیش کیره‌ک، ایکینچیلیک، سوغاریش و چاروه‌چیلیک وزیرلیگی نینگ ایکینچیلیک و چاروه‌چیلیک ایشلری بوییچه معینی صدراعظم عثمانی و افغانستان ایکینچیلیک و چاروه‌چیلیک اتاق باشلیغی خان‌محمد فروتن، سه‌شنبه کونی، ۳۰-عقرب، اوزبیکستان گه سفر قیلگن ایدیلر.
