بوگون صحت طفل «اندراگاندی» کسلخانهسیده بیر میلیون ۵۶ مینگ دالرلیک اکسیجن ایشلب چیقریش دستگاه، جنراتور و برانکوسکوپی ماشینلری فایدهلنیشگه تاپشیریلگن.
برانکوسکوپی ماشینی، تنفسی سیستمده بند قالگن نرسهلرنینگ چیقریلیشی توغریسیده یاردم بیرهدی.
بیزلرنینگ «ایکس» ترماغی ده هم تعقیب قیلینگ!
ساغلیقنی سقلش وزیرلیگی سرپرستی نورجلال جلالی، بو توغریسیده اوتکزیلگن خبری بیر ییغیلیشده ایتیشیچه، اوشبو جهازلردن فایدهلنیلیشی، مذکور کسلخانهده ساغلیق خذمتلر کورسهتیلیش صفتینینگ یخشیلنیشیگه سبب بولیشی ممکن.
ساغلیقنی سقلش وزیرلیگینینگ معالجوی طب باشلیغی وحدت الکوزی گه کوره، مذکور زمانهوی جهازلردن فایدهلنیش، صحت طفل کسلخانهسیدهگی قیینچیلیکلردن کوپ قطارینینگ حل قیلیشی ممکن.
خلقارا ساغلیقنی سقلش تشکیلاتینینگ افغانستان بولیمی (WHO) مسئوللرینینگ ایتیشلریچه، اوشبو تشکیلات افغانستاننینگ ساغلیق بولیمی ایشلاوچیلریدن تعلیمی و تخنیکی حمایتلریگه دوام بیرهدی.
خلقارا ساغلیقنی سقلش تشکیلاتی افغانستان بولیمی باشلیغی ایدوین سالوادورنینگ ایتیشیچه: «بوگون صحت طفل کسلخانهسی اختیاریگه تاپشیریلگن اکسیجن ایشلب چیقریش دستگاهلری، کونده (ICU) مخصوص مراقبتلردهگی ۴۵ بستر اوچون نیاز بولگن اکسیجننی تامینلب و ۴۰ لیتر ظرفیت بیلن ۲۱۰ بالننی تولدیره آلهدی.»
سالوادورنینگ کوپهیتیریشیچه، دستگاهلر یالغیز صحت طفل کسلخانهسیدهگی کسللر گه یاردم بیرمهیدی، بلکیم نیاز بولگن صورتده، یقیندهگی ساغلیق تاسیسلر گه هم یاردم بیره آلهدی.
بوندن آلدین کسلدارلردن قطاری اندراگاندی کسلخانهسیده ستندرد جهازلر یوقلیگیدن شکایت قیلگن ایدیلر.
بیزلرنینگ فیسبوک صحیفهمیزگه باش اورینگ!
افغانستاننینگ ساغلیق سکتوری، کوپراق خلقارا یاردملرگه تیگیشلی بولیب و اونینگ دولتی بولیمی یشاوچیلرگه دوالش خذمتلرنینگ فقط آزگینه فایزینی کورستهدی.
لیکن ساغیلقنی سقلش سرپرستینینگ ایتیشیچه، یشاوچیلرگه ساغلیق خذمتلر کورسهتیلیشی بولیمیده بو وزیرلیکنینگ کوپراق مسئولیت آلیشی توغریسیده سعیوحرکت بولهدی.
