تخار ده «زرشویی‌لیک» آتیده ناقانونی روشده کان‌لرنی قازیب چیقریش جریانی، انده_سنده کانچی‌لردن قربان‌لیک آله‌دی.
تخار ولایتی دشت‌قلعه تومنیده نیچه کون آلدین آلتین کانی چپه بولیشی عاقبتیده قربان بولگن «بازار» نینگ ایناغه‌سی محمدظاهر نینگ سلام‌وطندار گه ایتیشیچه، اقتصادی قیینچیلیک باعث ایناغه‌سی زرشویی‌لیک قیلیش گه مجبور بولگن ایدی.
او نینگ کوپه‌یتیریشیچه: «ایناغم نینگ بیر خاتینی و اوچ فرزندی بار، اوزی علیحده تیریکچیلیک قیلر ایدی، اقتصادی قیینچیلیک بولمسه او هیچ قچان آلتین کانی تونلی ایچیگه کیریب ایشله‌مس ایدی. کمبغل‌لیک طفیلی باریب زرشویی‌لیک قیلر ایدی.»
بیزلرنینگ فیسبوک صحیفه‌میزگه باش اورینگ!
بازار وفاتیدن کیین، او نینگ خاتینی و فرزندلرینی نفقه‌سینی تأمینلش مسئولیتینی آته‌سی اوز زمه‌سی گه آلگن، او کمبغل‌لیک باعث تخار ده آلتین کان‌لریده باریب زرشویی‌لیک نی باشله‌گن.
تخار ولایتی رستاق تومنیده آلتین کانچی‌لریدن باشقه بیری امیرمحمد، ایرته‌لب وقت ایش گه باریب و کیچ قورون اوی گه قیته‌دی ایتیشیچه، کان تونلی ایچی گه کیریش بیلن، تونل چپه بولیش احتمالی دن قورقه‌دی؛ لیکن او قشاق‌لیک باعث بو ایش گه تن بیریش گه مجبور بولگن.
اونگه کوره: «بیر ایناغم تورکیه دن دیپورت بولیب کیلدی و مجبورلیک طفیلی اوزیم اوچ مرته ایران گه باریب کیلدیم، اقتصادی قیینچیلیک اوچون ایشلش دن باشقه چاره‌میز یوق، اگر ۲۰ مینگ افغانیم بولسه عایله اعضالریم نینگ نفقه‌سینی تأمینلش اوچون باریب کچالو ساتووچیلیک قیله‌من.»
عین‌حالده، تخار کان‌لر باشلیغی عبدالناصر حقانی نینگ سلام‌وطندار گه ایتیشیچه، اوتگن بیر ییل ده آلتین کان‌لری ناقانونی روشده قازیب چیقریلیشینی آلدینی آلیش اوچون نیچه مرته اوشبو ولایت تومن‌لری گه مکتوب یوللشگن، بیراق یشاوچیلر ینه هم کان‌لرنی ناقانونی روشده قازیب چیقریش گه دوام بیرماقده‌لر.
بیزلرنینگ توییترده هم تعقیب قیلینگ!
اونگه کوره، تخار ده اوتگن بیش آی ده آلتین کانی چپه بولیشی عاقبتیده ۳۰ کانچی هلاک بولگن.
او نینگ کوپه‌یتیریشیچه: «تخار آلتین کان‌لریده، کان‌لر وزیرلیگی تامانیدن قرارداد اساسیده غالب بولیب و رخصت‌نامه آلگن ۷۵ و ۸۰ شرکت، مسلکی و قانونی روشده ایش گه مصروف دیر.»
تخار محلی مسئوللری نینگ معلوماتی اساسیده، مذکور ولایت ده ۱۴۰۱_ییل ده آلتین کان‌لرینی ناقانونی روشده قازیب چیقریش طفیلی ۱۰۰ کانچی قربان بولگنلر.
