نیزهبازلیک اویینلریگه قیزیققن یوزلب کیشی، غزنینینگ نیزهبازلیک جماعهسینی تشویق قیلیش مقصد، بو ولایت مرکزی «علیلالا» دشتیگه ییغیلگنلر. بو اویینلر عصرلر دوامیده غزنی و مملکتنینگ جنوبی ولایتلریده یشب کیلگن اهالیسی آرهسیده قدیمی عنعنوی مدنیتنینگ بیر قسمی دیر.
غزنی ولایتینینگ نیزهبازلیک جماعهسی اعضاسی بولمیش ۵۰ یاشر فدامحمد سلطانی، سلاموطندار گه مذکور محلی اوییننینگ شیرینلیکلری و قیینچیلیکلری نی بیان قیلیب و ایتیشیچه، حاضر ایسه بو ولایتده کمیده ۲۰۰ نیزهبازلیک جماعهسینینگ فعالیتی بار.
اونینگ کوپهیتیریشیچه: «تورلیخیل جماعهلر بار. ۱۲ کیشیلیک، تورت کیشیلیک و آلتی کیشیلیک دیر. غزنی ده بیر-ایکی جماعه یوق، بلکیم ۲۰۰ جماعه بار. حاضر اهالی اقتصادی یخشی ایمس و میله آلالمهیدیلر و آتلرینی هم اوز اویلریگه سقلهیدیلر.»
لیکن اوشبو نیزهبازلیک اویینینینگ یالغیز بیر قیینچیلیگی، نیزهبازلرنی تشویق قیلهدیگنلر اوچون امکانیت یوقلیگی دیر. سلطانی، غزنی ولایتیدهگی نیزهبازلرگه ستندرد سپورت میدانی قوریلیشینی ایستهگن. «امکانیت یوق، دولتدن بیزلرگه یاردم بیریلیشینی ایستهیمیز. بیزلرگه بیر میدان قورسینلر. هر بیر ولایتده بیر میدان بار، لیکن غزنی ده یوق.»
بیزلرنینگ فیسبوک صحیفهمیزگه باش اورینگ!
غزنی شهرینینگ باشقه بیر چیککهسیده جایلشگن نوآباد منطقهسیده، جمعه کونی یاشلر و کیکسهلردن قطاری تاش آتیش اویینی میدانیگه ییغیلیب و هر بیری قوللریدهگی تاشنی «گوده» اسملی کته تاش یقینیگه آتماق اوچون سعیوحرکت قیلماقدهلر.
تاش آتیش محلی سپورتینی اویینهیدیگنلردن حیدرعلی و چمننینگ ایتیشلریچه، بو اویین رخصتی کونلرده ایرککلرنینگ دم آلیش و اویین-کولگیلریدن بیر قسمی دیر.
حیدرعلی تاش آتیش اویینی توغریسیده ایتیشیچه: «تاش آتیش اویینی آلتی کیشیلیک و سکیز کیشیلیک شکلده اویینهلهدی. هر کیم بیر تاش نی آلیب تشلهیدی و هر کیمنینگ آتگنی تاش گوده گه یقین بولسه، اوشه کیشی آلهدی. حسابی ۱۲، ۱۵ و ۲۰ بولهدی که هر کیم تولدیره آلسه اوشه کیشی اویین گه غالب بولهدی.»
شونینگدیک چمننینگ ایتیشیچه: «منطقهمیز ده بو اویین کوپ اوینهلهدی. ۱۵-۲۰ یاشر ییگیتلر اوینهیدی. بو ییرگه کیلیب اویینهمیز و کون اوتیشینی نی هم بیلمهیمیز.»
مذکور محلی اویینلر یانیده، غورسی اویینیگه قیزیققن ییگیتلردن ظفرخاننینگ سلاموطندار گه ایتیشیچه، غزنی قیشلاقلریده امنیت تامینلنگنی و اهالی آرهسیده اوروش یکونلنیب و تینچلیک نفسی سیزیلیشی، اجدادلریدن میراث قالگن محلی اویینلرگه اهالی توجهسینی قرهتگن. «غورسی اویینی اجدادیمیزدن قالگن اویین دیر. اوتگن ییللرده امنیت یوق ایدی. اوروش بار ایدی و بو اویینلر اونچه اویینهلمس ایدی. حاضر امنیت تامینلنگن و برچه کیشی کیلیب و بیرگه غورسی اویینهیدیلر.»
بیزلرنینگ «ایکس» ترماغی ده هم تعقیب قیلینگ!
غزنی سپورت و جسمانی تربیهلش آمریتینینگ محلی اویینلر بوییچه مدیری ابوذر محمودیگه کوره، سونگی بیر ییلده بو ولایتده بیر قطار محلی اویینلر بیللشوولری اوتکزیلیب و جاری ییلده ایسه محلی اویینلر رواجلنیشی مقصد، بیر قطار برنامهلرنی اوتکزماقچینلر.
جناب محمودینینگ ایتیشیچه: «غزنی مرکزی و تومنلریده ۲۴ نیزهبازلیک اویینلری اوتکزیلدی. جاغوری تومنیده تورت ته تاش آتیش برنامهمیز بار ایدی. تیروکمان آتیش ساحهسیده هم مرکز و جاغوریده تورت برنامهمیز بار ایدی. مرکز ده بیر ته غورسی برنامهمیز و بیر تهسی ریسمان تارتیش برنامهمیز بار ایدی. مملکت مرکزیده بیش ولایت آرهسیده هم نیزهبازلیک بیللشوولری اوتکزیلیب و غزنی ولایتی ایکینچی اورینگه ایگه بولدی.»
شوندهی بیرحالده، غزنی سپورت و جسمانی تربیهلش آمری بلال مجاهدنینگ سلاموطندار گه ایتیشیچه، بو ولایتده محلی سپورتلرگه قیزیققنلر سانی کوپ و اوشبو اداره مذکور سپورتلر رواجلنیشیدن قوللب-قوتلهیدی. «بو ولایتده تاش آتیش، کورهش، تیروکمان و نیزهبازلیک اویینلر بار. ولایتلر، مرکز و حتا پاکستان دن یخشی یوتوقلرگه ایگه بولگن ایدیک، چونکه بو سپورتلرگه قیزیققنلر سانی کوپ. بو اویینلرنینگ رواجلنیشینی ایستهیمیز. بولر اویمیزنینگ محلی و ملی ویینلریمیز دیر و محلی اویینلرنینگ رواجلنیشی اوچون سعیوحرکت قیلهمیز.»
ایتیش کیرهک که، سابق حکومت تامانیدن محلی اویینلرنینگ قوللب-قوتلنمهگنی و بیللشوولر اوتکزیلیشی اوچون امنیت یوقلیگی، یاشلر آرقهلی بو کبی سپورتلرنینگ اوتکزیلیشینی کمرنگ قیلگن ایدی.
