بدخشان امنیه قوماندانلیگی‌ده مسئوللر‌نینگ ایتیشلریچه، اوتگن قویاش ییل جریانیده مذکور ولایت‌ده یوز بیرگن ترافیکی حادثه‌لر نتیجه‌سیده، باله‌لر و عیاللر شامل ۱۲۰ کیشی اولیب و ۱۶۷ کیشی یره‌لنگن.
بیزلرنینگ «ایکس» ترماغی ده هم تعقیب قیلینگ!
بدخشان امنیه قوماندانلیگی سوزلاوچیسی احسان‌الله کامگار‌نینگ ایتیشیچه، مذکور قوماندانلیک‌نینگ ترافیک مدیریتی اوتگن ییلی نقلیه واسطه‌لرگه پلیت و هیداوچیلیک گواه‌نامه‌لری‌نی ترقه‌تیش آرقه‌لی ایکی میلیون ۷۷۱ مینگ ۸۹۳ افغانی ییغگن.
جناب کامگار‌نینگ کوپه‌یتیریشیچه، قویاش ۱۴۰۳-ییل باشلنگنی‌دن یکونی‌گچه، مراجعت قیلگن کیشی‌لرگه اوچ مینگ ۳۳۹ جلد هیداوچیلیک گواه‌نامه‌لری ترقه‌تیلگن.
بیزلرنینگ فیسبوک صحیفه‌میزگه باش اورینگ!
اونگه کوره، شونینگدیک اوتگن ییل جریانیده هیداوچیلیک و ترافیکی قاعده-قانونی‌نینگ اورگه‌تیش کورس‌لری‌دن ایکی مینگ ۱۶۰ کیشی فارغ بولیب، ترافیکی حادثه‌لر کمه‌یشی مقصد، بو ولایت‌نینگ مرکزی و ۲۷ تومنی سرک‌لری‌ده ۲۰۰ ته ترافیکی نشانه‌لری اورنه‌تیلگن.
