بریتانیا فلسطیننی مستقل مملکت صفتیده تن آلگنیدن تورت آی اوتگچ، اوشبو مملکتنینگ ایلچیخانهسی رسمی طرزده لندنده آچیلدی.
خلقارا ییتکرمهلرنینگ معلوماتیگه کوره، ۱۵-جدی/۵-جنوری، دوشنبه کونی بریتانیا پایتختی لندن شهریده فلسطین ایلچیخانهسی آچیلیشی مناسبتی بیلن اوتکزیلگن تدبیرده، حسام زملوط، بو ایشنی ایکی مملکت اورتهسیدهگی مناسبتلر مستحکملنیشی اوچون مهم و تاریخی آدیم اتهگن.
لندن شهریده فلسطین ایلچیسی حسام زملوط، بریتانیا پایتختیده فلسطین ایلچیخانهسی آچیلیشینی «فلسطینلیکلر کیملیگی دوام ایتیشی» و ملتلر اورتهسیده تینگلیک اوچون بویوک آدیم دیگن.
بریتانیا دولتی تورت آی اول، تاریخی بیر اقدامده فلسطیننی مستقل و حاکمیت ایگه دولت صفتیده تن آلگن بیر پیتده، لندن شهریده اوشبو مملکت ایلچیخانهسی آچیلگن. بریتانیا باش وزیری کییر استارمر، فلسطین خودگردان تشکیلات باشلیغی محمود عباس گه، بو قرار لندن و فلسطین مناسبتی مستحکملنیشی اوچون ینگی باسقیچ دیگن.
