بدخشان امنیه قوماندانلیگی سوزلاوچیسی احسانالله کامگار، بوگون (۱۶-عقرب، جمعه)، توشدن آلدین اوشبو ولایتده ترافیکی حادثه یوز بیرگنیدن خبر بیرگن.
جناب کامگارنینگ ایتیشیچه، بدخشان ولایتی شکی تومنینینگ «سنگلیچ» ساحهسیده یوز بیرگن مذکور حادثه نتیجهسیده، بیر کیشی اولیب و بیش کیشی یرهلنگن.
اونینگ کوپهیتیریشیچه، اوشبو ترافیکی حادثه «لندکروزر» رسوملی بیر موترنینگ سرکدن چیقیب و دره گه توشگنی نتیجهسیده یوز بیرگن.
ستندرد سرکلر یوقلیگی و هیداوچیلرنینگ احتیاطسیزلیگی، کوپینچه پیت بدخشان ده بو کبی ترافیکی حادثهلر یوز بیریشیگه سبب بولهدی.
