ایران مجلسی ایچکی کمیسیون اعضاسی علیاصغر نخعیرادنینگ ایتیشیچه، اوتگن سکیز آیده قریب بیر میلیون ناقانونی افغانستانلیک قاچقین ایران دن چیقریلگن.
نخعیراد اوتگن شنبه کونی مشهد شهریده اوتکزیلگن خبری بیر ییغیلیشده ایتیشیچه، گرچند مذکور قاچقینلرنینگ چیقریلگنی بیلن، بیراق اولردن قطاری قیته قانونی یا-ده ناقانونی شکلده ایران گه قیتگنلر.
بیزلرنینگ «ایکس» ترماغی ده هم تعقیب قیلینگ!
اونگه کوره، «مهاجرت ملی تشکیلاتی»نینگ شکللنیش لایحهسی مجلس گه اوزهتیلگن که اونینگ اساسیده، ایران ده حیات کیچیرهدیگن افغانستانلیک قاچقینلردن یریمینینگ بو مملکتنی ترک قیلیشی کیرهک. شونینگدیک نخعیرادنینگ کوپهیتیریشیچه، قانونی قاچقینلر ایش آلیش کارتیگه ایگه بولسهلرده؛ بیراق برچه بولیملرده ایشلش حقیگه ایگه ایمسلر.
ایران مجلسی ایچکی کمیسیونینینگ اوشبو اعضاسیگه کوره: «افغانستانلیک قاچقینلر ایشچی صفتیده نیاز بولگن ایشلرده فعالیت قیله آلهدیلر و ایشلردن کوپ قطاریده ایشلش یا-ده ساتووچیلیک قیله آلمهیدیلر.»
شونینگدیک نخعیرادنینگ کوپهیتیریشیچه، ناقانونی قاچقینلرنینگ باریشی آلدی آلینیشی مقصد، ایران شرقی چیگرهلریدهگی فیزیکی و الکترونیکی توسقینلیکنی کیلهسی ایکی ییلگچه یکونلنتیرماقچین.
رسمی معلومات اساسیده، حاضرگچه ایران ده قریب آلتی میلیون افغانستانلیک قاچقین حیات کیچیرماقده.
بیزلرنینگ فیسبوک صحیفهمیزگه باش اورینگ!
سونگی آیلرده ایران حجتسیز قاچقینلرنینگ چیقریلیش پروسهسینی کوچهیتیریب و اوشبو قاچقینلردن مینگلرچهسی افغانستان گه قیتریلگن.
شونینگدیک خلقارا قاچقینلر تشکیلاتی بوندن آلدین بیر گزارش آرقهلی، یالغیز جاری ییل می آییده، ایران دن ۱۵ مینگ ۶۷۵ افغانستانلیک قاچقیننینگ چیقریلگنینی اعلام قیلگن ایدی که بو رقم، اپریل آییگه نسبت، ۲.۳ برابر کوپهیگنینی کورستهدی.
