بیرلشگن ملتلر تشکیلاتی خلق‌ارا آزیق-آوقت دستوری گه کوره، میلادی اوشبو ییل نینگ دستلبکی آلتی آی ده، یالغیز افغانستان خلقی نینگ تورت دن بیر قسمی آزیق-آوقت یاردم‌لر گه جدی نیاز مند دیر؛ عین‌حالده اولر یاردم بیریش اوچون ۶۵۰ میلیون دالر بودجه آزلیگی بیلن روپه‌ره دیر.
بیرلشگن ملتلر تشکیلاتی نینگ انسان پرورلیک یاردم‌‌لرینی هماهنگ قیلووچی اداره‌سی (اوچا) ۲۱-جوزا، دوشنبه کونی اوشبو تشکیلات نینگ سایتیده ترقه‌تگن گزارشی ده، افغانستان ده توقیز میلیون دن آرتیق باله شامل ۲۳.۷ میلیون کیشی انسان پرورلیک یاردم‌لر گه محتاج‌لیگینی اېتگن.
اوچا نینگ گزارشی بیر بولیمیده کېلیشیچه: «افغانستان ده ۹.۲ میلیون باله شامل ۲۳.۷ میلیون کیشی انسان پرورلیک یاردم‌لر گه محتاج دیر، بو شرایط آزیق-آوقت خوفسیزلیگی، توییب آوقت‌لنمسلیک، ییرلرده پارتلش ماده‌لر بارلیگی، طبیعی آفت‌لر، ویروس‌لی کسل‌لر ترقه‌لیشی، اقلیم اۉزیشی باعث تاپیلگن.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، طبیعی آفت‌لر اینیقسه مملکت نینگ بیرقطار ولایت‌لریده سۉنگی سوو تاشقینلری عاقبتیده زیان کورگنلردن بیرقطاری نینگ ایتیشلریچه، سوو تاشقینلری عاقبتیده یشش اوی‌لری شامل برچه نرسه‌لری یوق بولیب و طبی امکانیت، قتناو یوللری بوزیلگن.
بغلان ولایتی بغلان مرکزی تومنی یشاوچیسی صدر نینگ سلام‌وطندار گه ایتیشیچه: «قتناو یوللر، سرک‌لر، یشش اوی‌لر، مکتب و مدرسه‌لر بوزیلگن و بو ییرده سوو تاشقینلری گه توسیق بوله‌دیگن دیوار قوریلیشی درکار، سوو تاشقینلری باعث قتناو یوللری و یشش اوی‌لری بوزیلگن اهالی گه یشش قوریب بیریلیشی لازم.»
بغلان ولایتی دهنه غوری تومنی یشاوچیسی سخی‌داد گه کوره: «مکتب‌لر، چوکی و میزلریمیز یوق بولگن، مکتب یوق‌لیگی اوچون باله‌لریمیز تعلیم دن قالگن، ساغلیق مرکز هم بوزیلگن.»
بیزلرنینگ «ایکس» ترماغی ده هم تعقیب قیلینگ!
شونینگدیک، غور ولایتی چهار سده تومنی یشاوچیسی محمد نینگ ایتیشیچه، سوو تاشقینلری باعث ساغلیق و تعلیمی مرکزلری بوزیلیب و اولرنی تورلی قیینچیلیک بیلن دوچ قیلگن.
اونینگ کوپه‌یتیریشیچه: «هلاکتلی سوو تاشقینلری باعث یشش اوی‌لریمیز، مکتب، مسجد و باغ‌لر همده ایکینچیلیک ییرلریمیز بوزیلگن، باله‌لر نینگ درس اوقیشی اوچون مکتب‌لر نینگ بناسی یوق خیمه هېچ نرسه یوق، چنگ و ایسیق هوا باعث باله‌لر تورلی خیل کسل‌لیکّه چلینگنلر.»
خلق‌ارا آزیق-آوقت دستوری و اوچا افغانستان ده محتاج کیشی‌لر اینیقسه باله‌لر گه یاردم کورسه‌تیش اوچون آزیق-آوقت، وقتینچه‌لیک باش پنه، تعلیم و طبی امکانیت اوچون مالی یاردم بیریلیشینی اېسته‌گن.
عین‌حالده، اۉتگن کون اروپا اتفاقی افغانستان ده انسان پرورلیک یاردم بیریش اینیقسه سکیز میلیون باله و اوسمیر گه تعلیم امکانیتینی یره‌تیش اوچون ۱۵۰ میلیون یورو یاردم بیریشیدن خبر بیرگن. شونینگدیک دنمارک هم افغانستان ده انسان پرورلیک یاردم اوچون افغانستان امانی صندیغی گه ۷.۹ میلیون دالر یاردم بیریشینی معلوم قیلگن.
