بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری یا-ده اوچا، اوتگن سه‌شنبه کونی توییتر صحیفه‌سیده بیر پیغام آرقه‌لی، ۲ یوز مینگ گه یقین باله نینگ تعلیمی اوچون اوشبو دفتر بودجه‌سی کم‌لیگی خصوصیده آگاه‌لنتیریب ایتیشیچه، باشقه ایکی آیگچه، ۶ مینگ‌دن آرتیق محلی صنف نینگ یاپیلیشی ممکن.
بیرلشگن ملت‌لر تشکیلاتی نینگ انسان پرورلیک یاردم‌لرینی هماهنگ قیلووچی دفتری توییتر صحیفه‌سیده یازیشیچه: «تعلیم خصوصیده بودجه نینگ ییترلی بولمه‌گنی، اگست آیی‌گچه قریب ۲۸۰۰ و اکتبر آیی‌گچه ۳۳۰۰ محلی صنف نینگ توخته‌یشی گه سبب بولیشی ممکن که، بیر یوز ۶۶ مینگ ۲۲۰ باله گه تاثیر قیله‌دی.»
اوچا دفتری آرقه‌لی ترقه‌تیلگن پیغام گه کوره، مذکور محلی صنف اوقووچیلری‌دن ۵۲ فایزی نی قیزلر تشکیل بیره‌دی.
بیزلرنینگ فیسبوک صحیفه‌میزگه باش اورینگ!
شونینگدیک مذکور تعلیمی مرکزلرده‌گی باله‌لر نینگ عایله‌لری، اوشبو مکتب‌لر یاپیلیشی‌دن خواطر بیلدیریب ایتیشلریچه، مذکور مکتب‌لر یاپیلیشی باله‌لری نینگ تقدیرسیزلیگی گه سبب بوله‌دی.
بامیان ولایتی یشاوچیلریدن صدیقه، محلی صنف‌لرده باله‌لری تعلیم کوره‌دیگن عایله‌لردن دیر، اونینگ ایتیشیچه: «بو صنف‌لرده باله‌لریمیز گه بیرینچی صنف‌دن آلدین درس بیره‌دی. اوقیتووچیلر اولر گه زوره‌وانلیک قیلمه‌یدی، یاپیلگنی صورت‌ده، باله‌لریمیز تقدیرسیز بوله‌دی.»
شونینگدیک لوگر یشاوچیلریدن نعمت‌الله، محلی صنف‌لرده باله‌لری تعلیم کوره‌دیگن عایله‌لردن باشقه بیری دیر اونگه کوره: «قیشلاغی‌میز و باشقه قیشلاغ‌لرده مکتب یوق یا-ده قیشلاغ‌دن اوزاق دیر. بو محلی صنف‌لر باله‌لریمیز اوچون جوده‌یم فایده‌لی و بو ییرده کوپینچه اوقووچی درس بیلن شغللنگن.»
بیزلرنینگ توییترده هم تعقیب قیلینگ!
شونده‌ی بیرحالده، بامیان نینگ دول‌دشت منطقه‌سیده‌گی اوقیتووچیلردن بیری، کیم‌لیگی سِر قالیش نی ایسته‌ب سلام‌وطندار گه ایتیشیچه، اوشبو منطقه‌ده‌گی بوتون باله‌لر محلی صنف‌‌ده تعلیم بیلن مصروف‌لر. «محلی صنف‌لر نینگ یاپیلگنی صورت‌ده، اوقووچیلر تقدیرسیز قاله‌دی و اوقیتووچیلر هم ایش‌سیز بوله‌دی. یول‌لر نینگ اوزاق‌لیگی، اوقووچیلر نینگ کیچیکلیگی و هوا نینگ ایسیق‌لیگی اوچون، اوشبو صنف‌لر اهالی اوچون جوده‌یم یخشی ایدی و اوقووچیلر کوپ علاقه بیلن درس اورگنه‌ر ایدیلر.»
تعلیم و تربیه بیلرمان‌لریدن جمال‌الدیم سلیمانی نینگ ایتیشیچه، محلی صنف‌لر نینگ یاپیلگنی صورت‌ده، باله‌لر درس‌دن اوزاق بولیب و شاقه ایشلر گه یوز کیلتیریشلری ممکن.
ایتیش کیره‌ک که، بوندن آلدین یاردم بیرووچی نهاد‌لردن قطاری، افغانستان ده تعلیم، ساغلیق و آزیق-آوقات بولیمی‌ده بودجه کم‌لیگی خصوصیده آگاه‌لنتیرگنلر.
