او دایم یازیشگه بولگن اشتیاقینی یورهگیده سقلب کیلگنینی ایتهدی و قیزلر یوزیگه بیلیم یورتلر یاپیلگچ، بو اشتیاق اونی ییتکرمهلر تامان آلیب بارگن که بو ییر ایسه اونگه نه فقط ایش، بلکیم جمعیتده بیر اورین گه ایگه بولیشیگه سبب بولگن. «بیلیم یورتلر یاپیلگنیدن کیین، ییتکرمهلرده ایشلش مینی اوچون همه نرسه بولگن ایدی؛ مینی اوچون ینگی بیر فرصت یرهتیلدی دیب توشینهر ایدیم؛ ییتکرمهلر تامانیدن هم جواب بیریلگن کونی، اوزیمنی هیچ حس قیلدیم.»
۲۰۲۴-ییلده تلویزیونلردن بیریده ایشگه باشلهگن ۲۳ یاشر حلیمهنینگ ایتیشیچه، بو بولیمده ایشلش بیلن بیر تاماندن آرزولری آرتیدن بارگن و باشقه بیر تاماندن ایسه، قولگه کیلتیرهدیگن آز درآمد بیلن عایله نیازلریدن بیر بولیمینی تامین قیلهر ایکن.
افغانستان گه امریکا یاردملری توختهتیلگنیدن کیین، اونینگ سایهسی ییتکرمهلر اوستیگه توشیب، ییتکرمهلر ایشلاوچیلریدن قطاری کیتمه-کیت ایشدن بوشهتیلگن که اولردن بیری حلیمه دیر. «امریکا پروژهلریدن قطارینینگ توختهتیلگنیدن کیین، برچه کیشی اقتصادی قیینچیلیکلر بیلن روپهره بولدی. حاضر ایسه ییتکرمهلر و خبرچیلردن قطاری ایشسیز بولیب و اویگه قالگن.»
بیزلرنینگ فیسبوک صحیفهمیزگه باش اورینگ!
حلیمه، خبرچیلیکدن اوزاق قالگنیدن کیین، امیدسیز بولیب و جمعیتدهگی اورنینینگ قولیدن آلینگنینی حس قیلهدی. «ایشدن بوشهتیلگنیمده، برچه نرسهنینگ قولیمدن کیتگنینی توشیندیم.»
حلیمهنینگ ایتیشیچه، خبرچیلیک ایشینی قیته باشلش اوچون نیچه مرته سعیوحرکت قیلگن؛ بیراق برچه سعیوحرکتی نتیجه بیرمهی و ییتکرمهلر فعالیتیدن اوزاق قالیش دردینی یورهگیگه آلیب و کونلرینی کیچه قیلهدی. «باشقه نیچه ییتکرمهده ایش آلیش اوچون سعیوحرکت قیلدیم؛ اولر اقتصادی وضعیتلری سبب ایش گه آلمهدیلر و حاضرگچه هیچ بیر ییرده ایش تاپه آلمهگنمین.»
حلیمهنینگ حکایهسی، ییتکرمهلر اقتصادی چیکلاولری آشیشی طفیلی ایشدن بوشهتیلیب و حاضر انیق بولمهگن بیر وضعیتده، نان و روحی عذاب بیلن روپهره بولگن اونلب خبرچیسینینگ عمومی حکایهسی دیر.
خبرچیلردن قطارینینگ ایتیشلریچه، ییتکرمهلرنی قوللب-قوتلهیدیگن نهادلر خبرچیلر آرهسیده ایشسیزلیک کوپهیشی و اولرنینگ ییتکرمهلر فعالیتینی قیته باشلشی اوچون، چاره-تدبیر کوریشلری کیرهک.
ینگیلیکده ایشینی قولدن بیرگن خبرچیلردن باشقه بیری نوریهنینگ ایتیشیچه: «ییتکرمهلرده یامان اقتصادی وضعیت سبب ییتکرمهلرده ایشلهیدیگن خبرچیلردن قطاری معاشسیز و ۶-۷ آی برنامهنی آلغه آلیب بارگنلر. ایش توغریسیده قیزیقهدیلر؛ بیراق اولرگه معاش بیریلمهیدی و حتا باریب-کیلیش و آوقت خرهجتی هم اوز بویینلریگه دیر. ییتکرمهلردن قطاری قیینچیلیکلری سبب اولرنی ایشدن چیقرگنلر که بو خبرچیلرنینگ فکریگه سلبی تاثیر قویهدی.»
نوریهنینگ کوپهیتیریشیچه، خبرچیلردن کوپ قطاری ییتکرمهلردهگی اقتصادی قیینچیلیکلردن تاثیرلنگنی بیلن، بیراق حاضرگچه بو مسلککه بولگن محبت بیلن، هیچ قندهی درآمد آلمسدن ایشلماقدهلر که حتا باریب-کیلیش، آزیق-آوقت و انترنت خرهجتلرینی هم اوزلری تولهیدیلر.
کابل دهگی تلویزیونلردن بیرینینگ ییریک مسئول مدیرلریدن بیری زهره گه کوره، اوتگن اوچ آیده و تشقی یاردملر کیسیلیشی همده لایحهلردن قطارینینگ توختهتیلگنیدن کیین بو ییتکرمه، برنامهلریدن قطارینی اوچیریب و ۱۵۰دن آرتیق ایشلاوچیسینی ایشدن بوشهتگن. زهرهنینگ ایتیشیچه: «ییتکرمهلر برنامهلری و ایشلاوچیلرینی کمهیتیریشگه مجبور بولدیلر؛ ییتکرمهمیز اوتگن ایکی آیده ۱۵۰دن آرتیق ایشلاوچینی ایشدن بوشهتگن.»
شوندهی بیرحالده، حاضرگچه معلومات ییتکزیش بیلن شغللنگن خبرچیلردن قطارینینگ ایتیشلریچه، اوتگن ییللر گه قرهگنده آیلیکلری سیزیلرلی درجهده کمهیب و نیازلریدن برچهسینی تامین قیله آلمهیدیلر.
بیزلرنینگ «ایکس» ترماغی ده هم تعقیب قیلینگ!
خبرچیلردن بیری زیارمل هوتکینینگ ایتیشیچه: «ییتکرمهلردن قطاری حاضرگچه ایشلاوچیلرینی کمهیتیرماقده؛ لیکن اصلی قیینچیلیک معاشلرنینگ جودهیم کملیگی دیر که اوتگن ییللرگه قرهگنده حیات قیینچیلیگینی حل قیلمهیدی.»
خبرچیلر برچه ناخوشلیکلر و قیینچیلیکلر آرهسیده، ینه هم کیلهجکلری و بجریشلری کیرهک بولگن ایش توغریسیده، ایشانچلرینی قولدن بیرمهگنلر.
اخبارات بیریش تریبیونیگه قیتیش، ینه هم اولرنینگ آوازی ایشیتیلیشی، قلملرینینگ حرکت گه کیلیشی و کمرهلری حقیقتنی حکایه قیلیشی توغریسیدهگی امید، حلیمه کبی یاش خبرچیلر یورهگیده یشهیدی.
