بوگون (پنجشنبه، ۲۵ جوزا) ناروی ده ایکی کون آلدین باشلنگن «فرم اسلو» ییغیلیشی سونگی کونی دیر. مذکور ییغیلیش ده افغانستان وضعیتی و انسان حق‌لری بحث گه آلینیشی ایتیلگن بولسه ده، بیراق اوشبو گزارش یازیلگونچه مذکور موضوع‌لر حقیده بحث ایتیلمه‌گن و بو ییغیلیش اوشبو ییل میدیالر حضورسیزلیگی بیلن یولگه قوییلگن.
ایش بیلرمان‌لر، افغانستان وضعیتی حلی اوچون بو گَل ییغیلیش‌لر نتیجه بیرمسلیککه ایشانه‌دیلر.
سیاسی ایش بیلرمان نجیب‌الرحمان شمال نینگ ایتیشیچه: «حاضرگی سرپرست حکومت ایچکی و خارجی سیاست‌لریده اوزگریش کیلتیرمه‌ی و دنیا همجمعیت همده یشاوچیلر نینگ خواست‌لرینی عملی قیلمه‌گونچه، بو گَل ییغیلیش‌لر نتیجه بیرمه‌یدی.»
بیزلرنینگ فیسبوک صحیفه‌میزگه باش اورینگ!
ناروی ییغیلیشی ده افغانستان سرپرست حکومت نینگ نماینده‌لری هم اشتراک ایتگنلر؛ بیراق اسلام امیرلیگی سوزلاوچیلری مذکور ییغیلیش ده بحث ایتیلگن موضوع‌لر حقیده سلام‌وطندار گه ایضاح کیریتیشمه‌گن.
فورم اسلو ییغیلیشی ده اسلام امیرلیگی نماینده‌لری چقیریلیشی ایریم تنقیدلر گه روپه‌ره بولگن.
ناروی ترقی‌خواه حزب ییتکچیسی بیورنر جانسن، اوشبو ییغیلیش ده اسلام امیرلیگی نماینده‌لری حضوری دن تنقید قیلیب ایتیشیچه، افغانستان ده‌گی وضعیت حلی اوچون حاضرگی اسلوب بیلن ییغین یولگه قوییلیشی نتیجه بیرمه‌یدی.
تشقی ایشلر وزیرلیگی سوزلاوچیسی عبدالقهار بلخی، اسلام امیرلیگی مدافعه وزیرلیگی نینگ مناسبت‌لر باشلیغی روح‌الله عمر، اسلام امیرلیگی ایچکی ایشلر وزیرلیگی نینگ مصلحتچیسی شمس‌الرحمان آخوندزاده، اسلام امیرلیگی نماینده‌لری اوله‌راق اسلو ییغیلیشیده اشتراک ایتگنلر. بیراق تنقید قیلووچیلر نینگ ایشانچی گه کوره، مذکور ییغیلیش ده کیلیشیلگن تقدیرده، اسلام امیرلیگی هیأتی نینگ قرار قیلیش صلاحیتی یوق دیر.
بیزلرنینگ توییترده هم تعقیب قیلینگ!
عیال حقوقی فعالی و سیاسی ایش بیلرمان ثریا پیکان نینگ ایتیشیچه: «اسلام امیرلیگی هیأتی نینگ قرار آلیش صلاحیتی یوق دیر اینیقسه قیزلر نینگ تعلیمی باره‌سیده، شونی اوچون بو ییغیلیش یالغیز ناروی منفعتی گه تمام بولیشی ممکن. ناروی افغانستان ده قیته فعال بولیش اوچون اسلو تلاش قیلماقده، قندهار ده ناروی گه عاید بیرقطار نهادلر فعالیت گه باشله‌گنینی ایشیتدیک.»
ایتیش کیره‌ک که، اوتگن ییل ده‌گی «فورم اسلو» ییغیلیشی ده اسلام امیرلیگی آدرسی دن وزیرلر سطحی ده بیر هیأت اشتراک قیلگن ایدی.