بلخ خوفسیزلیک مسئوللری نینگ ایتیشلریچه، اوشبو ولایت مرکزی مزارشریف شهری‌ده بیر شفاکار، ناتانیش کیشی‌لر تامانیدن اولدیریلیب و ایناغه‌سی ایسه یره‌لنگن.
بلخ امنیه قوماندانلیگی سوزلاوچیسی محمدعیسا وثیق بیر بیانیه آرقه‌لی ایتیشیچه، اوشبو واقعه دوشنبه کیچه، ۳۱-ثور، مزارشریف شهری نینگ تورتینچی خوفسیزلیک حوزه اطرافیده یوز بیرگن.
بیزلرنینگ فیسبوک صحیفه‌میزگه باش اورینگ!
بیانیه اساسیده، ناتانیش کیشی‌لر بیر شفاکار نینگ موتری گه هجوم قیلگن که نتیجه‌ده، یاش بیر شفاکار اولیب و اونینگ ینه بیرشفاکار ایناغه‌سی یره‌لنگن.
بیانیه‌ده کیلیشیچه، مذکور واقعه‌ده محمدیاسین اسملی ۳۷ یاشر شفاکار اولیب و یوسف اسملی ایناغه‌سی قارین ناحیه‌سیدن یره‌لنگن.
بیزلرنینگ «ایکس» ترماغی ده هم تعقیب قیلینگ!
ایتیلیشچه، اوشبو ایکی شفاکار ابوعلی سینای بلخی حوزه‌ای کسل‌خانه‌سیده ایش‌لر ایکنلر.
بلخ امنیه قوماندانلیگی سوزلاوچیسی، بو واقعه سببی نی شخصی دشمن‌لیک‌لر عنوان قیلیب و اوشبو شفاکار قتلی عامللری نینگ تانیش و قولگه آلیش اوچون تیکشیریشلری باشلنگنی‌دن خبر بیرگن.